Castiñeira acusa a Tomé de “practicar unha política absolutamente clientelar e sectaria na que se non es nacionalista ou socialista non tes dereito á mesma ración”
Lugo, 5 de xullo de 2022. O presidente da Deputación, José Tomé, xa ten demostrado que a súa política discrimina aos concellos gobernados polo PP. Ocorre en materia de infraestruturas, de polígonos industriais, de convenios. E tamén é así na gastropolítica de Tomé, como se pode comprobar co discriminatorio Saborea a túa Provincia. O portavoz popular, Javier Castiñeira, sinala: “Unha vez máis o señor Tomé aplica a cartilla de racionamento aos alcaldes do Partido Popular da provincia. Neste caso, o que queremos denunciar dende o grupo provincial do PP é o programa Saborea a túa Provincia e a discriminación que se fai por cores políticas, algo que non nos sorprende porque se vén facendo dende que o bipartito goberna na Deputación de Lugo”.
Castiñeira di: “A Deputación, para o Saborea a Provincia, contrata un autobús que pagamos todos e percorre as localidades da provincia promocionando os produtos de Lugo. Nestes dous anos de vixencia, tanto o ano pasado como este, só vai visitar dous concellos gobernados polo PP, a pesar de que o PP goberna no 50% da provincia. Pola contra, os alcaldes do PSOE son os máis afortunados, son os que máis saborean a Deputación de Lugo, dado que, dos 18 concellos que se visitarán, 15 están gobernados polo PSOE. É dicir, o señor Tomé invita a roldas aos seus amigos e pagamos todos. É unha forma de facer gastropolítica moi propia dos socialistas, que veñen aplicando o mesmo método durante estes anos de goberno do bipartito”.
Os populares din que o Saborea a Túa Provincia é só un caso máis, porque “así está a facer con todo: en vez de repartir proporcionalmente, o que fai, primeiro e fartarse el, despois darlle aos seus amigos e despois se sobra algo, para o resto, pero o resto somos practicamente a metade da provincia”.
Castiñeira declara: “O Saborea a túa provincia é só un pequeno exemplo do que nos ten acostumados o señor Tomé: unha política absolutamente clientelar e sectaria na que se non es nacionalista ou socialista non tes dereito a mesma ración. Dende o PP queremos denunciar novamente unha forma sectaria de facer política, o reparto inxusto do que son os recursos da Deputación e o incumprimento do mandato do que debe ser unha Deputación, que debe servir para repartir os recursos e cooperar cos concellos de forma proporcional, especialmente mirando para os pequenos, algo que neste caso, unha vez máis, o goberno socialista non fai”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
