Ribadeo, 8 de xullo de 2022. A vila está lista para a celebración do VII Ribadeo Indiano. O alcalde, Fernando Suárez, dixo que é unha cita que forma parte do imaxinario colectivo de Ribadeo, que é historia lembrada e dignificada, que é arte e que reflicte o compromiso de todo un pobo.
O rexedor comentou que “chegou o día, chegou o momento deste evento creado como quen di hai catro días, pero parece que xa forma parte do adn e do imaxinario colectivo deste noso Ribadeo. Logo desta triste pandemia que todos vivimos ao longo de dous anos, todo o mundo quere volver a vivir, quere volver a reencontrarse coas súas familias, coas súas amizades, e qué mellor marco que este Ribadeo Indiano”.
Suárez Barcia sinalou que “é unha festa, porque o é, tamén é historia lembrada e dignificada, porque igualmente o é. Tamén e arte, arte na rúa, porque o merecemos, e tamén desde logo é o compromiso de todo un pobo, de xente do común, de xente de aquí de xente de acolá, da hostalería que se afana cos últimos toques para este fin de semana”.
E engadiu: “así que o noso desexo como goberno municipal e como Corporación, e como Acisa que é a outra parte que organizamos esta festa, desexamos que o pasedes todos moi ben e que gocedes deste Ribadeo Indiano. Vémonos ao longo deste fin de semana en Ribadeo”.
As rúas e as prazas xa están engalanadas desde hai días. Onte á noite seguían os últimos retoques, a instalacións de xardineiras con flores para darlle aínda máis colorido a esta cita. Unhas tarefas nas que participaron o alcalde, Fernando Suárez, e os concelleiros de Medio Ambiente, Obras e Turismo, Jorge Díaz, Mónica Freire e Pablo Vizoso. O grande escenario que albergará o concerto da mexicana Lila Downs xa está instalado na rúa San Roque, onde tamén actuarán a Banda Municipal de Música de Ribadeo e onde terá lugar o Festival de Habaneras, que organiza a Coral Polifónica ribadense. Na indiana rúa San Roque están situados tamén os postos que mañá participarán no Mercado de Ultramar.
O VII Ribadeo Indiano arrinca esta tarde no Teatro ás 19:00 horas coa presentación do evento, ao que seguirá o pregón que pronunciará a presidenta do Consello da Cultura Galega, Rosario Álvarez. E logo terá lugar o tradicional desembarco en Porcillán a partir das 20.30 horas. E xa pola noite haberá actuacións musicais no quiosco da música do Campo de San Francisco, entre outras actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
