Queda aberta a pre-reserva de abonos para a tempada 2022/23 do CD Burela FS
Burela, 17 de agosto, 2022 . Queda aberta a campaña de socios para a tempada 2022/23 do CD Burela FS, para poder gozar do mellor fútbol sala do mundo en Vista Alegre.
No Peto, No Peito
Ese carné que levarás no peto, ese que te identifica máis que o teu propio DNI, é o que latexa no peito como sentimento laranxa. A nosa verdadeira identidade. Faite socio do noso club e implícate nun proxecto que emociona!
Ao unirte o noso club non só poderás ver o mellor fútbol sala nacional masculino e feminino, senón que apoiarás o deporte da Mariña, a igualdade, a educación e o fomento de hábitos saudables entre a nosa poboación, especialmente entre os máis pequenos.
Este ano existirán 5 tipos de abonos:
Adulto: Persoas a partir dos 18 anos de idade.
Xuvenil: Para persoas entre os 15 e os 17 anos, ambos incluídos.
Infantil: Para menores de 14 anos e solicítase nas oficinas do club.
Dixital: Para quen só queiran ver partidos desde casa e apoiar o club.
Socio Estudante: Para persoas matriculadas nalgún centro de educación oficial regrada (colexios, institutos, universidades). Só se pode obter na oficina do club e necesitas o xustificante da matrícula en regra.
*Os prezos finais comunicaranse no futuro
Haberá dous períodos para solicitar a pre-reserva do asento e o abono de tempada. Do 16/8 ao 26/8 os abonados a tempada pasada poderán solicitar a súa renovación, conservando o asento ou cambiándoo (dependendo da dispoñibilidade). Neste caso é necesario poñerse en contacto coas oficinas do club. O pago pódese realizar a partir do día 30 de agosto nas oficinas do club ou por medio da nosa web, quedando confirmado desta forma o asento.
A partir do 27 de agosto os socios sen abono o ano pasado e os novos socios poderán pre-reservar o seu asento e abono. A prioridade para elixir asento será de socios con abono mixto do ano pasado, socios con abono masculino ou feminino do ano pasado, socios sen abono o ano pasado e novos socios. A partir do día 30 de agosto poderán pagar a súa cota e confirmar o asento.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
