Burela, 11 de agosto de 2022. O Concello de Burela informou esta maña da sentencia do Tribunal Superior de Xustiza de Galicia que vén a ratificar o correcto procedemento da entidade local na aprobación da ordenanza municipal de regulación de valados, parcelas vexetais e plantación de sebes, arbustos e árbores ornamentais, desestimando o recurso contencioso administrativo interposto polo grupo municipal do Partido Popular de Burela.
Ante as acusacións dos populares demandando a impugnación da ordenanza, alegando non ter sido sometida ao trámite de información pública nin terse publicado na web municipal para dar audiencia aos cidadáns, o TSXG desestima o recurso por non resultar vulnerado o procedemento de elaboración da norma, argüíndo que se deu cumprimento a todas as condicións de trámite de consulta pública e publicidade e información que esixe a lei. Neste senso, a ordenanza municipal elaborouse e foi aprobada para concretar o proceder dunha obriga xa recollida na lexislación sobre o peche de solares, indicando aos propietarios os pasos a dar para realizar estes peches e dotando de seguridade xurídica aos mesmos. Non comporta polo tanto ningunha obriga nova nin causa impacto económico, de xeito que nin incorre en desviación de poder, nin vulnera ningún dereito cidadán.
O alcalde, Alfredo Llano, explicou que a ordenanza “aprobada en pleno hai máis dun ano fundaméntase exclusivamente na intención de que os veciños propietarios saiban como proceder á hora de pechar os seus solares, unha obriga que xa teñen determinada pola lexislación supramunicipal, e que nós debemos especificar para facilitar o seu cumprimento, contribuíndo deste xeito ao coidado dos espazos da vila, á harmonización estética, á seguridade, control e ordenamento de Burela”. Lamentou a actitude do grupo municipal dos populares, que “reiteran a súa teima por atacar e cuestionar o traballo dos técnicos municipais, deslexitimando o seu bo facer e xudicializando unha acusación política sen ningún fundamento”. O rexedor asegurou “que non houbo un veciño ou veciña á que non se lle dera resposta ás súas consultas ou dúbidas, pois algúns deles acudiron ao concello para plantear determinadas cuestións”, refutando o argumento do PP “que pretende facer ruído e colar a mensaxe dunha suposta falta de transparencia, auto proclamándose defensores da cidadanía, cando o único que fixeron con este recurso foi facernos perder tempo e recursos que son de todas e todos”.
Llano manifestou que “o único que queremos e polo que traballamos é por unha Burela respectuosa co medio ambiente e funcional, sabendo a responsabilidade que temos como goberno e máis que satisfeitos co labor dos nosos técnicos, en contacto directo cos veciños, polo que agardamos que a oposición do PP tamén asuma a súa responsabilidade, deixe de poñer paos nas rodas, confundir á xente con populismo, e comece a traballar por Burela e deixe de priorizar os seus intereses partidistas que non benefician ao conxunto do pobo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
