Viveiro, 7 de setembro de 2022. A Caravela Vera Cruz, unha réplica das carabelas portuguesas dos séculos XV e XVI, partiu de Lisboa o 25 de agosto rumbo a Guetaria, co obxectivo de participar no 500 aniversario da primeira volta ao mundo, que finalizou o 6 de setembro de 1522 en Sevilla, por parte de Juan Sebastian Elcano e Fernando de Magallanes. Durante súa singladura ata Guetaria, a Vera Cruz realizou unha parada técnica no porto de Celeiro o 28 de agosto.
Como xa estaba previsto, despois dos actos que tiveron lugar na localidade vasca, no seu regreso a Lisboa, a Caravela Vera Cruz realizará unha nova parada en Viveiro. Saiu de Guetaria este mércores echegará ao porto de Celeiro no atardecer do xoves, quedando atracada no peirao norte de Celeiro.
A embarcación poderá visitarse gratuitamente ao longo da xornada do sábado 10 de setembro, en horario de 10:00 a 13:00 horas e de 16:00 a 19:00 horas, permitindo que todas aquelas persoas que o desexen poidan visitar esta carabela que, no seu interior, alberga unha recreación de como era a vida a bordo naquela época. Asemade, o concello realizará unha recepción oficial.
A tripulación da Caravela Vera Cruz está formada por uns quince homes e mulleres, entre os que se inclúe ao viveirense Manuel López Martínez, que foi o promotor desta parada, que conta coa colaboración do Concello de Viveiro e de Andrés Díaz Ferro, práctico retirado de Vivero, Burela e Cariño, así como da Consignataria de Viveiro, Nieves López.
Esta é unha oportunidade única para visitar esta embarcación, que pertence a Aporvela, a Escola Portuguesa de Capacitación de Vela.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
