A iniciativa encádrase dentro de Eo Alimenta, un proxecto que pretende impulsar modelos de produción, distribución e consumo sostibles e de proximidade
Lugo, 20 de setembro de 2022. Medio Rural da Deputación de Lugo impulsa o FestivalEo da Alimentación Sustentable, que se celebrará o venres 23 e o sábado 24 en Ribadeo co obxectivo de promocionar e poñer en valor a alimentación e a artesanía de proximidade.
A deputada Mónica Freire explicou que “se trata dunha iniciativa transversal dentro das liñas estratéxicas impulsadas dende a área de Medio Rural da Deputación de Lugo, xa que procura a redución da dependencia de materias primas do exterior dadas as condicións que se están dando tanto dende o punto de vista de cambio climático coma da escaseza nos mercados internacionais”.
“Debemos ser capaces de camiñar cara a soberanía alimentaria, fundamentalmente dende a produción primaria agraria. Actividades tan dinámicas como o propio Festival Eo de Alimentación Sustentable ou proxectos como a plataforma de comercio electrónico dos produtos agroalimentarios de toda a provincia: “Son de Lugo”, que impulsamos dende a área de Medio Rural da Deputación de Lugo, deben constituír o motor que fagan mudar a nosa realidade”, afirmou Mónica.
“Só deste xeito poderemos fomentar a viabilidade de novos procesos de emprendemento no rural, consolidando o consumo de alimentos de calidade diferenciada, de proximidade, con canais curtas de distribución, e cunha baixa pegada de carbono, fixando ademais a poboación no noso territorio”, concluíu.
Producións agrarias e artesáns da Mariña e do Occidente asturiano
O FestivalEo conxuga a actividade comercial con propostas formativas e lúdicas, coas que se busca sensibilizar sobre a necesidade de consumir alimentos de proximidade que ofrecen calidade e que teñen detrás a pequenos produtores e produtoras, vinculados ao territorio e comprometidos coa conservación do medio natural.
O evento reunirá unha vintena de producións agrarias e artesáns da Mariña e do Occidente asturiano, así como proxectos asociativos que traballan no ámbito do consumo e da sensibilización ambiental. Así, entre as participantes figuran Son de Lugo, As Fadegas, Ribeiregas, El Cabillón, El Bosque de Wayra, Breogainas, Acueo Ostras del Eo, Grupo de Consumo As Grelas, La Casa Azul, Fundación Edes, Argaia Biocosmética, Artesana Sana, Observatorio Mariña Pola Igualdade, Ferrado Marelo, Colmenas do Navia Eo, Quiastolita, Ecohorta Da Costa e Eólicos Na Mariña, Así Non.
Programa
A programación iniciarase o venres 23 cunha axenda de actividades que inclúe xogos tradicionais, un obradoiro de “smoothies” e unha palestra sobre actualidade vinculada á alimentación, a partir das 17.30 h. no Parque de San Francisco. A xornada continuará cunha ruta de tapas elaboradas con produtos agroecolóxicos e de proximidade na que participarán os establecementos Kalpa Amodiño, Cafetería Breoghan, A Tapería, Cafetería La Lira, Restaurante El Oviedo, Restaurante Costa Verde, Mesón O Alén, e que contará coa ambientación musical na rúa coa Charanga A Choca.
A segunda xornada, o sábado 24, comezará ás 11.00 h. no Parque de San Francisco cunha feira de alimentación e artesanía de proximidade que se poderá visitar durante todo o día. Na mañá do sábado poderase tamén participar en dous obradoiros (de cociña e de agroecoloxía) tras os que terá lugar a sesión vermú, amenizada pola Agrupación Amigos da Gaita de Ribadeo.
Entre as 14.00 e as 17.00 h. celebrarase un xantar popular e pola tarde volta a programación coa performance “1 faba 1 vida”, de Ugia Pedreira e Marina Oural, así como cun espectáculo de circo infantil e unha palestra na que se poderán coñecer proxectos similares a Eo Alimenta que teñen lugar noutros territorios. O festival rematará co concerto do grupo local Piratas Sónicos.
Eo Alimenta
O FestivalEo da Alimentación Sustentable encádrase dentro do proxecto Eo Alimenta, unha iniciativa que reúne persoas produtoras e consumidoras, grupos de desenvolvemento rural, sindicatos agrarios e concellos da Mariña e do Occidente Asturiano co obxectivo de impulsar modelos de produción, distribución e consumo sostibles e de proximidade, e que conta tamén co apoio decidido de Medio Rural da Deputación de Lugo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
