Foz, 2 de setembro de 2022. Máis de 16.800 persoas visitaron as oficinas de turismo de Foz durante os meses de xullo e agosto pasados, o que supón un aumento considerable respecto aos anos anteriores.
O concelleiro de Turismo, Chema Linares, manifestou: “concluído agosto toca facer balance da tempada turística. Seguimos a manternos como un dos referentes turísticos da comarca da Mariña, así o testemuñan os datos manexados polo Concello, no que, un ano máis, a poboación triplicouse no verán recuperando a afluencia dos anos pre pandemia. Tres datos podemos destacar: aumento considerable das visitas con respecto aos anos precedentes, aumento dos visitantes estranxeiros e aumento das pernoitas”.
Chema Linares engadiu: “apreciouse un aumento significativo das visitas entre a oficina de turismo e o punto de información do centro de interpretación da Basílica de San Martiño, con máis de 16.800 persoas que se achegaron para visitar a Basílica ou solicitar información sobre os nosos recursos turísticos, roteiros, e actividades culturais, así como de aloxamento e restauración. Esta afluencia de visitantes supón un incremento dun 23 por cento co respecto o ano anterior. Predomina o turismo nacional, cun 93,5 por cento, tendo visitas de todas as comunidades autónomas, pero destacando Galicia, cun 28 por cento, sobre todo de Lugo e Coruña; seguido de Madrid, con máis dun 27 por cento; Castela-León cun 13,23 por cento; así como Asturias, Castela-A Mancha, Andalucía ou Pais Vasco, entre outras. Respecto o turismo estranxeiro, temos visitantes de todos os continentes, destacando Francia, Alemaña, Portugal e Reino Unido, que aportan o groso dos visitantes, aínda que se achegaron tamén dende Arxentina, Colombia, Chile, Israel, Corea del Sur e India. O porcentaxe de estranxeiros mantense por riba do 6,5 por cento, cun lixeiro aumento”.
O edil de Turismo destaca que “o balance non pode ser máis positivo, constatando unha tendencia á alza e consolidando Foz como destino, sobre todo familiar, moi valorado e que ofrece un amplo abanico de posibilidades tanto culturais como lúdico deportivas para todas as idades, cunhas das mellores praias da Mariña e un rico patrimonio cultural e natural. A Basílica de San Martiño estase a converter nun foco de atracción fundamental, como así indican os datos, chegando no mes de agosto a ter ata 500 visitas diarias e superar as do mesmo mes do ano anterior en máis de 2.700 persoas. Hai que destacar tamén a crecente aumento dos peregrinos que están a realizar o Camiño do Mar”.
Linares comentou tamén que “a estes bos datos de afluencia neta de visitantes hai que engadir que a ocupación hostaleira rozou o 96 por cento, chegando nalgúns días ao 100%, sobre todo no mes de agosto, e que Foz continúa sendo un dos concellos da comarca que se mantén como referente de segundas vivendas e de alugueiros turísticos. Hai que sinalar tamén que as pernoitas das persoas que nos visitaron aumentaron en máis dun 5% con respecto o ano anterior, algo moi positivo de cara a consolidar Foz como un destino non só de paso senón tamén de estancia”.
Para rematar o concelleiro de Turismo engadiu: “podemos afirmar que a tempada estival transcorreu sen incidentes significativos e con escasa ou nula incidencia da Covid, o que permitiu que a hostalería puidera funcionar con total normalidade. O noso agradecemento para os traballadores das oficinas de turismo, que estiveron abertas durante os meses de xullo e agosto de mañá e tarde e fins de semana e que foron moi ben atendidas polo persoal contratado ao efecto, así como aos socorristas e auxiliares polo seu labor de control e vixilancia das praias”.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
