Viveiro, 8 de setembro de 2022. O goberno municipal quere aclarar, a raíz das declaracións realizadas pola voceira do BNG en relación coa súa proposta á organización do Resurrection Fest, que as torretas de iluminación do campo de Lavandeiras pertencen ao Concello de Viveiro. Esta instalación forma parte das melloras levadas a cabo nos últimos anos na zona de Lavandeiras, permanecendo instaladas ao longo de todo o ano.
Neste momento estase a tramitar un convenio entre a Xunta de Galicia, a Deputación de Lugo e o Concello de Viveiro para realizar diversas actuacións de mellora no Campo de Lavandeiras. Entre estas actuacións inclúense a dotación de vestiarios e banquillos, así como os traballos necesarios para garantir o abastecemento eléctrico en todo o campo para a súa actividade deportiva habitual. Dende o Concello recalcan que esta é unha cuestión que a voceira do BNG debería coñecer, tendo en conta que estaba presente na reunión que este concello mantivo co Deputado Provincial de Deportes.
Polo tanto, o Campo de Lavandeiras xa conta coa infraestrutura básica (torretas de iluminación, canalización, ente outras facilidades), estando simplemente pendente da súa adaptación e alta para as actividades deportivas.
Neste sentido, o único que fai a organización do Resurrection Fest é contratar e instalar para eses días o cadro eléctrico coa potencia que necesitan para un festival destas características. Dita potencia é, evidentemente, moitísimo superior á que se precisa para a actividade deportiva que se desenvolve no campo de forma habitual e que se instalará en virtude do convenio referido, xa que non ten sentido deixar un cadro con esa potencia para todo o ano.
Dende o Concello explícase que pode ser positivo que a voceira do BNG realice propostas á organización do Resurrection Fest co obxectivo de mellorar esta instalación, pero antes debería informarse dos convenios e melloras previstas.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
