O Executivo abonou este ano máis de 237.000 euros dos fondos do Pacto de Estado contra a Violencia de Xénero, permitindo intensificar as actuacións municipais contra a violencia de xénero
Lugo, 28 de setembro de 2022. A subdelegada do Goberno en Lugo, Isabel Rodríguez, valorou positivamente o investimento de máis de 1 millón de euros que o Goberno transferiu, nos últimos 5 anos, aos concellos da provincia de Lugo para a loita contra a violencia de xénero. Rodríguez subliñou que a loita contra a violencia de xénero é unha prioridade absoluta para o Goberno, como demostra que devolvera aos concellos, a administración máis próxima aos cidadáns, as competencias en materia de igualdade e de violencia de xénero, acompañada da transferencia de recursos económicos para que poidan desenvolver políticas que protexan ás mulleres.
O Goberno abonou este ano máis de 237.000 euros dos fondos do Pacto de Estado contra a Violencia de Xénero aos concellos da provincia, “permitindo intensificar as actuacións municipais contra a violencia de xénero e seguir prestando uns servizos fundamentais de información, concienciación e protección das vítimas na provincia”, remarcou Rodríguez durante a Comisión técnica de coordinación en materia de violencia de xénero que tivo lugar na Subdelegación do Goberno e na que participaron a Xefa da Unidade de Violencia de Xénero, María Luisa Castro, e representantes da Policía Nacional, a Garda Civil, os Centros Penitenciarios de Bonxe e Monterroso, do Servizo de xestión de Penas e do sistema Viogén.
A subdelegada demandou a todas as institucións e cidadáns lucenses “a traballar xuntos para erradicar a violencia de xénero, un problema que segue moi presente na sociedade, como o demostran os 604 casos activos que ten rexistrados na provincia de Lugo o sistema Viogen de protección das vítimas”. Concretamente, na provincia non hai casos catalogados de risco extremo, pero si hai 5 de risco alto, 95 que son de risco medio, 261 de risco baixo e 243 de risco non apreciado.
Nesta liña, Isabel Rodríguez amosou a súa repulsa e condena ante os asasinatos machistas acontecidos nos últimos días en España. Coa confirmación destes casos, o número de mulleres asasinadas por violencia de xénero en España ascende a 33 en 2022 e a 1.163 desde 2003, cando se empezaron a recompilar datos.
Sistema Viogén
A normativa establece que recibirán unha achega adicional os concellos que estean adheridos ao Sistema de Seguemento Integral de Violencia de Xénero (Viogén), xa que se reserva para este fin unha parte do fondo estatal. Estes posibles remanentes serán distribuidos proporcionalmente entre todos os municipios que participen no Viogén. Na provincia de Lugo están adheridos a este sistema os Concellos de Vilalba, Ribadeo, Burela, Viveiro e Chantada, coa incorporación das respectivas policías locais no Sistema de Seguemento Integral dos Casos de Violencia de Xénero.
O Sistema Viogén creouno no 2007 a Secretaría de Estado de Seguridade do Ministerio do Interior co obxectivo de aglutinar ás diferentes institucións públicas que teñen competencias en materia de violencia de xénero, integrando toda a información de interese, para realizar un seguimento e protección das vítimas máis rápido a través do Subsistema de notificacións automatizadas, cando se detecte alguna incidencia ou acontecemento que poida poñer en perigo a integridade da vítima.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
