“O voceiro do Partido Popular está buscando a foto, pero a verdade é que de traballo pola provincia, cero”, porque, como ben sabe, ten as ferramentas ao seu alcance para participar dos presupostos, pero no que vai de mandato nunca as utilizou”, subliñou a voceira socialista do Goberno
Lugo, 20 de setembro de 2022. A voceira socialista do Goberno, Pilar García Porto, informa de que o Presidente da Deputación, José Tomé Roca, vén de remitir un escrito ao voceiro do Grupo Provincial do PP en resposta á súa solicitude de convocar e celebrar unha Xunta de Voceiros ou unha reunión da Comisión Informativa de Economía, Recadación e Especial de Contas sobre os Orzamentos provinciais do ano 2023. Un escrito no que o mandatario provincial lle agradece a súa oferta de participación na elaboración dos presupostos, aínda que, sinala, “o realmente interesante sería que presentase un proxecto de orzamentos como documento de traballo para poder debater e contrapoñelo ao proxecto de orzamento que elabora o equipo de Goberno, dado que, sen ter propostas concretas, é imposible traballar e debater con rigor as diferentes propostas de orzamento”.
Neste sentido, a portavoz socialista incidiu en que, se o Partido Popular nesta provincia “fose serio e fose en serio, presentarían un proxecto de presuposto propio ou, polo menos, propostas concretas, algo que ata o de agora neste mandato nunca fixo”. “Reclamar máis cartos para todo non é facer un presuposto, é facer unha carta ós Reis Magos”, aseverou.
“O que me queda claro con todo isto é que o voceiro do Partido Popular está buscando a foto, busca o protagonismo, pero a verdade é que de traballo pola provincia, cero”, recalcou Pilar García Porto, quen remarcou que, como ben lle lembra o Presidente na súa misiva, o PP ten ao seu alcance as ferramentas necesarias para colaborar na elaboración dos orzamentos. “El sábeo ben porque foi Alcalde e agora é portavoz na oposición no seu concello e na Deputación, no Pleno de aprobación do orzamento, que vén precedida por unha Comisión Informativa de Economía, Recadación, Facenda e Especial de Contas, debátese sobre o mesmo, podendo facer emendas e chegar a transaccións, ou presentar un orzamento alternativo, algo que, reitero, polo de agora nunca fixo o PP”.
Polo tanto, asegurou a Deputada, o voceiro do PP “debería traballar e intentar facer algo produtivo pola provincia, máis aló dos posados, que o único que perseguen é buscar un ocos nos medios de comunicación, pero dende logo iso non renta en positivo para os veciños e veciñas da provincia de Lugo”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
