Ribadeo, 23 de setembro de 2022. O Concello levará a cabo traballos de retirada e control de especies exóticas invasoras na zona das Aceas, na ribeira da Ría de Ribadeo. Será durante o que queda deste ano e no primeiro trimestre do 2023. O alcalde, Fernando Suárez, referiuse ao compromiso co medio natural e subliñou que “isto é algo que debemos conservar, mellorar e coidar para nós e para as xeracións que veñan detrás”.
O rexedor explicou que “nestes días estamos iniciando unha acción continuadora e de mellora disto que levamos anos facendo nesta ribeira da Ría de Ribadeo, na parroquia de Ove, singularmente entre A Vilavella e o inicio do tren mineiro, unha zona coñecida como As Aceas. Estamos facendo unha retirada e control de especies exóticas invasoras”.
Suárez Barcia dixo que “as partes principais desta actuación xa foron feitas hai varios anos, pero agora nestas 9 hectáreas aproximadamente o 9 por cento desta superficie aínda ten especies vexetais arbustivas e plantas invasoras que é necesario seguir eliminando, como tamén é necesario seguir mantendo a senda peonil, eliminar varios puntos de lixo e instalar paneis informativos para que os viandantes e a xente que pasea poida apreciar a flora, a fauna e todo o que está vendo nese arredor”.
O alcalde ribadense indicou que “polo tanto aproveitamos unha pequena axuda que nos deu a Dirección Xeral de Patrimonio Natural, que provén de fondos europeos, para ir implementando estas melloras que se veñen sumar a outras que, a través do Estado e da Xunta, nestes últimos anos viñemos facendo desde o Concello de Ribadeo”.
E engadiu: “adxudicamos esta obra á empresa Foresga, que a vai facer en dúas anualidades: unha parte agora, no que queda de ano, e a outra parte restante no primeiro trimestre do ano 2023”.
Fernando Suárez subliñou que “facemos todo isto polo compromiso que temos desde o Concello co medio natural e coa Ría de Ribadeo. Isto é algo que debemos conservar, mellorar e coidar para nós e para as xeracións que veñan detrás nosa”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
