Viveiro, 29 de setembro de 2022. A organización do concurso FotoLAR 23 -representada por membros da imprenta Gráficas LAR, de Viveiro- acaba de anunciar o gañador da última edición deste certame de fotografía, especializado na temática fauna. E o premiado é Nafis Ameen, de Bangladés.
O premio, ademais de 300 euros en metálico, implica a autoría do próximo calendario da imprenta Gráficas LAR: o Calendario LAR 2023, que será ilustrado con doce sensacionais imaxes de fauna do sur de Asia e publicarase antes do Nadal.
Nesta edición do concurso recibíronse 60 diferentes galerías de todo o planeta, das que a organización do certame elixiu a cinco candidatos. Finalmente foi o xurado, formado polos autores dos sete calendarios anteriores, o que colocou a Nafis Ameen en primeiro lugar.
A organización do concurso destaca que “Nafis Ameen é un apaixonado fotógrafo especializado en natureza e fauna cun extenso palmarés internacional e diferentes exposicións no sur de Asia. A súa galería, dispoñible en redes sociais, é asombrosa e recomendada para todos os amantes da fotografía”.
Desde Gráficas LAR agradecen a participación “a todos os que se presentaron, e moi especialmente aos catro candidatos que quedaron ás portas del premio. Só podía gañar un, pero calquera das cinco opcións sería espectacular”.
Nafis Ameen, que ten 35 años e vive en Daka, a capital da República Popular de Bangladés, explica: “unha das miñas maiores paixóns é a conservación do medio ambiente, polo que a miña afección á fotografía de fauna salvaxe comezou como consecuencia do meu amor pola natureza e os animais hai xa case dez anos”. Nese período de tempo gañou diferentes premios e mencións, entre os que cabe destacar:
– Terceiro clasificado nos ASE International Photo Awards 2020. Rusia.
– Finalista no Montier Photo Festival 2021. Francia.
– Premio FIAP (Federación Internacional da Arte Fotográfica) no II certame de fotografía de ecoloxía World Eco Photo 2019.
– Finalista no décimo quinto Golden Turtle International Wildlife Photo Contest 2021. Rusia.
– Gañador do BlueGreenEarth Spring-Summer-Fall Nature Photo Contest 2021.
– Finalista do Water Integrity Nework Photo Contest 2020. Alemaña.
– Finalista do Instituto Penn por el Urban Research Photo Contest 2019. EEUU.
– Finalista en Humanidade por HIPA (Hamdan International Photography Award) 2020-2021. Dubai.
– Premio á excelencia nos World Photography Awards 2021 pola Asociación de Fotógrafos de Natureza de Norteamérica (NAPA). EEUU.
– Segundo premio na categoría de paisaxes en PCOI-CHIIZ 2018. India.
– Mención de honra en Travel Photo Award pola organización We Said Go Travel 2018.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
