Viveiro, 4 de Outubro de 2022. O pasado Domingo 2 de Outubro de 2022 en reunión celebrada ás 12,30 da mañá en Sargadelos a Asociación Cultural Tá en Artes, decidiu por unanimidade levar a cabo a súa disolución, dado que os obxectivos perseguidos durante oito anos de traballo intenso non fomos quén de conseguilos no seu punto fundamental, tal era conseguir un Centro estable na Mariña que acollera as programacións dos distintos colectivos da comarca e que contara co persoal suficiente para levar unha labor de xestión que no noso caso, é imposible de manter.
Coordinar catro exposicións, cursos de formación de profesorado, centros escolares, monitores, transporte, xestións cas distintas administracións( Concellos, Deputación, Xunta de Galicia) é inviable levalas a cabo pola situación persoal de tódolos membros desta asociación.
Antes de cumprimentar o trámite administrativo da desaparición de Táenartes, deixamos un tempo por si algunha asociación, colectivos ou persoas quere facerse cargo da mesma, cedendo o conseguido ata esta data sen ningún tipo de condicionante e colaborando en dúbidas ou xestións a realizar.
Non queremos marchar sen agradecer ós/as alumnos/as da Mariña a súa participación co seu traballo, ós/ás profesores/as a total colaboración e disposición para con nós, así como ás Direccións dos Centros implicados. Ós/ás alcaldes/alcaldesas que fixeron o traballo máis viable, destacar por ser o centro operativo ós de Foz, tanto Castiñeiras como Fran Cajoto actual alcalde, co que tivemos unha total sintonía. Agradecer á area de cultura da Deputación de Lugo tamén a súa implicación e destacar a súa aportación neste derradeiro ano. Ás direccións xenerais de Cultura e política lingüística da Xunta de Galicia polo apoio económico. Ás Asociacións culturais da Comarca, en espacial á Pomba do Arco ca que mantivemos programacións conxuntas. Por suposto ós/ás ARTISTAS da Mariña que gracias ó seu altruísmo e tempo colaboraron con nós e fixeron posible levar a cabo o programado. Á Imprenta LAR de Viveiro que sempre estivo disposta en tempo e forma para publicar o proposto nas programacións. Ós/ás funcionarios/as que colaboraron nos diferentes centros administrativos. Ós medios de comunicacións da Comarca que sempre atoparon un oco para difundir a nosa proposta tanto a prensa escrita como en radio, así coma os/as fotógrafos/as que ilustraron os noso actos. Destacar ós pais e nais da Mariña que interpretaron do mellor xeito a colaboración cos centros escolares, así comas empresas de transporte que fixeron posible as visitas de máis de 1.700 alumnos/as anualmente neste anos. Á xestoría Monicar de Burela. Ós/ás familiares e amigos dos/as artistas que sen estar con nós en vida, puidemos homenaxealos grazas á participación desinteresada dos mesmos. Ó Museo Provincial de Lugo e a todo o seu persoal ca directora Aurelia Balseiro á cabeza, que sempre puxo a total predisposición para que a creación dos/as artistas da Mariña tivesen presencia na capital da provincia. Ós/ás artistas convidados que non escatimaron esforzos para estar presentes en cada mostra. En definitiva a todas e cada unha das xentes da Mariña que foron quen de darlle contido a todas actividades programadas nestes oito anos.
Esperemos que este traballo sexa aliciente e acicate para todas e todos ós/ás que dedican o tempo para crear nas complexas condicións da nosa Comarca, e sigan aportando o seus coñecementos para novas ideas e novos proxectos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
