O secretario xeral anuncia a presentación dun recurso ao regulamento que prohibe faenar en 87 zonas e reclama medidas compensatorias
Vigo, 4 de outubro de 2022. O secretario xeral da CIG, Paulo Carril, chamou hoxe a articular unha ofensiva xudicial, institucional e mobilizadora contra o veto da Unión Europea á pesca de fondo en 87 zonas, o que supón un duro golpe para a flota galega e ameaza milleiros de empregos no noso país. Neste senso, Carril anunciou que a central sindical prepara xa a presentación dun recurso contra a decisión da UE, ao tempo que reclamou a adopción de medidas compensatorias inmediatas para as persoas e as empresas armadoras afectadas.
O máximo responsábel da CIG compareceu diante dos medios de comunicación en Vigo xunto ao responsábel de CIG-Mar, Xavier Aboi, para incidir na urxencia de facer unha fronte común que dea unha resposta “contundente” ante a inminente aplicación deste regulamento “devastador” para a pesca galega, cuxa entrada en vigor está prevista para este luns 9 de outubro.
Carril explicou que a central sindical mantivo contactos nos últimos días con diferentes asociacións de armadores para abordar a situación, “de igual xeito que intentamos sen éxito facelo co Goberno español e galego para articular unha fronte común que iniciase unha ofensiva xudicial coa presentación de tres recursos: un por parte de todos os sindicatos que representan aos traballadores/as afectados/as, outro polas empresas armadoras e outro polas institucións”.
Neste senso, adiantou que a CIG xa está a preparar a presentación do recurso contra, “tendo en conta que se atacan os intereses dos mariñeiros/as galegos/as”. Para a súa elaboración consultou coa Universidade da Coruña, en concreto cos departamentos de Dereito Laboral -especializado en asuntos marítimos- e de Dereito Internacional Público, así como coa Universidade de Santiago, coa que abordou o impacto socioeconómico da decisión.
Con todo, Carril recoñeceu que na central sindical teñen claro que o recurso non vai impedir a entrada en vigor do regulamento, “pero pódense solicitar a adopción de medidas cautelares, tal e como demanda o propio sector para evitar a súa posta en marcha”. Porque -advertiu- o atraso na resolución do recurso vai ser demoledor para a flota, “polo que non entendemos como é posíbel que a escasos días de que se aplique o decreto nin o Ministerio de Pesca nin a Xunta articularon medidas compensatorias mentres dure a prohibición da actividade pesqueira nesas zonas”.
En consecuencia, esixiu a constitución inmediata dunha mesa única na que estean representadas as Administracións, as empresas e os traballadores/as para abordar o que vai pasar a partir deste luns día 9. “Preocúpanos moito que a desidia dos Gobernos se traduza nun amarre da flota, ou no seu despezamento no peor dos casos, que é o que semella que está a buscar a UE”. Por iso lembrou unha consigna xa tantas veces utilizada polo sector ao longo de décadas: “Nin a España nin a Europa lles importa a nosa flota”.
Ao mesmo tempo, fixo fincapé en que a mobilización vai ser un elemento fundamental neste conflito, “polo que chamamos a participar e sumámonos á manifestación convocada en Ribeira o vindeiro sábado”. Nesta liña, anunciou que a central sindical está a perfilar tamén e a poñer en común un calendario mobilizador que dea continuidade a esta primeira protesta.
Para rematar, lamentou que a conselleira aínda non teña convocado a día de hoxe o Consello Galego de Pesca e que o ministro se dedique a facer “grandes” declaracións públicas pero “cero” actuacións concretas, así como que non teñan confirmado de xeito “claro e rotundo” que van presentar recurso, estudar a interposición de medidas cautelares e adoptar accións compensatorias.
Un dos maiores ataques á flota galega
Pola súa parte, Xavier Aboi, incidiu en que esta problemática non se soluciona unicamente cos presentación do recurso xurídico contra o regulamento “nin dividindo ao sector como está intentando facer o ministro ao pretender ter xuntanzas coas distintas artes, xa que a única reunión que ten validez é con todo o sector en conxunto”. Xa que, segundo lembrou, o veto non afecta só aos grandes caladoiros, senón tamén á pesca de baixura.
Por iso demandou unha resposta “conxunta e coherente” de todo o sector pesqueiro e da sociedade galega. E quixo deixar moi claro que se trata dunha decisión política, “e como tal hai que enfrontala”. Até o punto de que o considera “uns dos maiores ataques da UE” a toda a flota galega e augura un aumento da conflitividade no mar “porque pretenden que vaiamos pescar todos ao mesmo sitio”.
Finalmente, advertiu que “ou este país se mobiliza en defensa da flota ou senón vai ser imposíbel atopar unha solución a curto prazo”, ao tempo que demandou medidas compensatorias inmediatas para paliar as perdas que se van a producir.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
