Salienta que nos 9 concellos da provincia lucense o Instituto de Estudos do Territorio identificou 247 edificacións de carácter privado, 57 inmobles empresariais, 9 instalacións deportivas e 1 cemiterio no dominio público marítimo-terrestre
Lugo, 14 de outubro de 2022. A Xunta vén de concluír en Lugo a rolda de contactos que iniciou o pasado mes de setembro cos concellos costeiros da Comunidade para recoller as súas achegas á futura Lei de ordenación do litoral de Galicia e sumar esforzos ante as decisións e cambios normativos que nos últimos anos vén encadeando o Goberno central co obxectivo de eliminar progresivamente toda actividade social e económica da franxa costeira.
Logo de salientar que preto de medio cento de representantes municipais participaron nestes encontros, a conselleira de Medio Ambiente, Territorio e Vivenda, Ángeles Vázquez, lembrou que este luns, 17 de outubro, remata o período de consulta pública previa da que prevé ser a primeira norma autonómica nesta materia cuxos obxectivos principais son autogobernar o noso litoral e regular a costa desde unha tripla perspectiva; ambiental, social e económica.
“Queremos ofrecer seguridade xurídica para as empresas que operan xa no litoral ou para aquelas que se queiran implantar na costa”, incidiu Ángeles Vázquez na reunión, na que estivo acompañada no encontro polo delegado territorial da Xunta en Lugo, Javier Arias, e pola secretaria xeral técnica da Consellería, Carmen Bouso.
Cómpre lembrar que os sucesivos cambios levados a cabo polo Goberno central desde 2018 na normativa de Costas poñen en risco en toda a Comunidade ao redor de 4.000 edificacións en dominio público marítimo terrestre (DPMT), das que 339 están na provincia de Lugo.
Nesa liña, a conselleira incidiu en que nos 9 concellos da provincia lucense o Instituto de Estudos do Territorio identificou como afectadas: 247 edificacións de carácter privado, 57 inmobles empresariais ou industriais, 9 instalacións deportivas e 1 cemiterio.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
