Ribadeo, 15 de outubro de 2022. Ribadeo muda de imaxe en varias zonas coas obras que están en marcha. O alcalde, Fernando Suárez, compartiu un vídeo nas súas redes sociais no que se ven todos os proxectos que están en marcha neste momento.
O rexedor aludiu hoxe “a algunhas das cousas nas que desde o Goberno Municipal andamos afanados nestes tempos”.
E esas accións pódense ver nun vídeo colgado nas súas redes sociais. Trátase das obras do carril-bici na estrada do Faro e en Campoxurado; as obras de ampliación da ponte de Feve que executa a Deputación de Lugo; as obras de construción das pistas multideporte na mazá interior entre a Avenida de Galiza e as rúas Daniel Cortezón e Pintor Fierros; as obras no barrio da Pega, Veaigadaria e Río do Amalló; as obras da área recreativa da Vilavella; e o aglomerado da estrada dos Fornos, en Remourelle, para a conexión coa do veciño Concello de Barreiros.
Suárez Barcia declarou que “as melloras en Ribadeo seguen e a creación de novas infraestruturas tamén”.
Podes ver aquí o vídeo
https://m.facebook.com/story.php?story_fbid=pfbid0zwRkegYU4x2cjieaEkaF2urX1ok1PtN8YwaMUKFJnUAMHtF4dxciDNBsrjgqpFsHl&id=1353549409
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
