Ribadeo, 28 de outubro de 2022. O proxecto de recalce e estabilización da escaleira de baixada á praia do Cargadeiro suporá un investimento de máis de 47.000 euros. O alcalde, Fernando Suárez, valora de xeito positivo o compromiso do Servizo de Costas e agarda que para a vindeira campaña estival ese areal tamén sexa unha opción posible e segura para os bañistas de Ribadeo.
O rexedor dixo que “temos unha boa noticia que dar en relación co acceso á praia do Cargadoiro. Esta praia pequena, pero moi querida por moita xente da vila que historicamente a ten frecuentado moito”.
Fernando Suárez lembrou que “hai máis dun ano produciuse unha arribada perigosa de pedras e terra por debaixo das escaleiras de baixada á praia, deixando un bo treito destas, descalzadas e nunha situación inestable e perigosa. Ao quedaren con esta falta de apoio, prohibiuse, por seguridade, o acceso á praia. Desde daquela estivemos traballando de xeito coordinado coa Dirección Xeral de Costas que depende do Ministerio de Medio Ambiente para tratar de solucionar esta situación”.
O alcalde explicou que “desde o Concello tivemos que redactar proxectos, estudos, xeotécnicos, etc, e foi un proceso longo e complexo, pero por fin nestes días recibimos a comunicación formal do Ministerio de que aproban definitivamente o proxecto e que iniciarán a licitación do mesmo”.
Suárez Barcia subliñou que “as obras de recalce e estabilización da escaleira de acceso á praia supoñen un orzamento de 47.800 euros e cun prazo de execución máximo de dous meses desde a súa adxudicación á mellor oferta. Así que agardemos que na seguinte temporada estival a praia do Cargadeiro tamén sexa unha opción posible e segura para os bañistas de Ribadeo”.
O rexedor ribadense engadiu: “valoramos moitísimo o compromiso en todo este proceso dos Servizos de Costas do Ministerio. Sabemos que a xente demanda sempre solucións inmediatas aos problemas. Pero este derrube necesitou moitas horas de estudo técnico, para proxectar correctamente unha solución sólida e adaptada á legalidade”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
