A tramitación destes parques, ao superar cada un deles os 50MW, depende do Goberno central, polo que desde Galicia se agarda que colabore na súa axilización para que a empresa poida contar canto antes cun prezo eléctrico competitivo
Santiago de Compostela, 3 de novembro de 2022. O Consello da Xunta acordou esta mañá impulsar a tramitación de tres proxectos eólicos cos que a empresa Alcoa San Cibrao trata de abaratar a factura eléctrica, requisito indispensable para poder reactivar a produción de aluminio primario, actualmente parada polo encarecemento do prezo da luz. Deste xeito, a compañía podería afrontar con maiores garantías os seus retos a futuro e, polo tanto, gañar en competitividade.
Galicia acóllese, por segunda vez, á figura da excepcionalidade -tras o acordo con respecto a dous proxectos eólicos que poderían beneficiar á planta de Showa Denko na Coruña-. Esta posibilidade está recollida na lei para declarar estes parques -Borrasca (84MW), Monzón (50,4MW) e Ventisca (89,6MW)- como proxectos cunha clara incidencia territorial pola súa entidade socioeconómica e cunha función vertebradora e estruturante do territorio, o que permitirá -no caso de aprobarse- a súa execución fóra das áreas do Plan sectorial eólico de Galicia.
Ao tratarse de tres proxectos eólicos de tramitación estatal, xa que cada un deles supera os 50MW, Galicia agarda a sensibilidade do Goberno central para axilizar os parques e, desta maneira, apoiar unha industria electrointensiva como é Alcoa: os eólicos subministrarán enerxía eléctrica á planta, o que lle permitirá contar cun prezo competitivo que contribúa no futuro á súa viabilidade e a garantir o mantemento dos postos de traballo vinculados á planta de aluminio -tanto os empregos en Alcoa como na industria auxiliar e o sector do transporte e a loxística-.
Así, estímase que estes contratos PPA (Power Purchase Agreement, acordos de compra de enerxía) entre a compañía e a promotora dos parques eólicos -Greenalia prevé investir 267 millóns de euros-, achegarían o 9% das necesidades enerxéticas de Alcoa.
Ante a política enerxética do Goberno central e a falta de solucións concretas para a industria electrointensiva, Galicia está a demostrar novamente o seu compromiso con este sector. Cómpre lembrar que a Xunta xa declarou no ano 2020 esta industria como esencial e estratéxica para a súa economía.
De feito, a nova Lei de áreas empresariais de Galicia especifica que, sempre que cumpran coa normativa e con todas as garantías ambientais, se dará prioridade a aqueles proxectos eólicos que destinen o 50% da enerxía que produzan á industria asentada en Galicia para reducir a súa pegada de carbono. Os parques eólicos que se vinculen ás PPA poderán beneficiarse desta nova normativa que vai favorecer á industria no seu conxunto, como tamén xa están explorando outras empresas.
No caso concreto de Alcoa, ademais, a Xunta concedeu este ano unha axuda de 985.000 euros á planta de San Cibrao para a mellora da súa eficiencia enerxética. En concreto, a empresa investirá 3,4 millóns de euros para a substitución do consumo de fuelóleo por gas natural co obxectivo de reducir en preto dun 3% o consumo inicial, o que supón máis de 4 millóns de kWh ao ano.
Saúdos do Gabinete de Comunicación da Vicepresidencia primeira e Consellería de Economía, Industria e Innovación
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
