Foresa e Iberdrola estudan levar adiante un investimento de 500M€ nesta proposta que tería un impacto importante na industria local, coa creación de medio cento de postos de traballo indefinidos
Santiago de Compostela, 3 de novembro de 2022. O Consello da Xunta declarou hoxe como iniciativa empresarial prioritaria o proxecto de Iberdrola e Foresa co que pretenden impulsar unha planta de produción de metanol verde en Begonte (Lugo). Unha proposta que, de poder materializarse, suporía un investimento de máis de 500 millóns de euros e permitiría producir, anualmente, 100.000 toneladas deste recurso enerxético para ser empregado tanto na fabricación de colas, resinas e adhesivos destinados a unha gran variedade de industrias -entre outras, as de produción de taboleiros derivados da madeira-, como para a súa comercialización no mercado da enerxía.
Para acadar este obxectivo, o proxecto, denominado Green Meiga, ofrece unha solución pioneira ao integrar na mesma localización a produción e uso industrial de hidróxeno verde que, xunto ao dióxido de carbono capturado da caldeira de biomasa, se utilizará como materia prima para o proceso de síntese do metanol. Deste xeito, garántese que a produción deste metanol sexa totalmente renovable. Cómpre destacar tamén que a iniciativa presta especial atención á economía circular, dispondo dunha planta de tratamento que permitirá aproveitar os fluxos de augas residuais, reducindo a cantidade de auga final empregada no proceso industrial.
Galicia reforza así a súa aposta pola sustentabilidade industrial no marco da transición enerxética cun proxecto que influirá no tecido económico e social a nivel local, tanto en Begonte como na súa contorna. Tamén está aliñado cos principios da economía verde e circular. De feito, vela polo menor impacto ambiental e empregará a enerxía eólica como fonte de subministración eléctrica.
Por outra banda, o seu desenvolvemento suporá un motor de creación de emprego de calidade ao preverse a xeración -tras a súa posta en funcionamento- de medio cento de postos de traballo indefinidos.
Esta declaración -aprobada no Consello da Xunta a petición do Instituto Galego de Promoción Económica (Igape), dependente da Vicepresidencia económica- enmárcase dentro da filosofía da Lei de simplificación administrativa que supón, na práctica, a redución á metade dos prazos de tramitación para levar a cabo un proxecto, ratificando igualmente todas as garantías xurídicas durante o procedemento. Así, poténciase a captación de investimentos para Galicia e a creación de emprego de calidade.
Con este novo acordo xa son 16 as iniciativas empresariais prioritarias declaradas en toda Galicia: Cafés Candelas (Lugo), Novafrigsa (Lugo), Agroamb Prodalt (Castro de Rei), Oviganic (Monforte de Lemos), Bionergía (Lugo, Sarreaus e A Laracha), Ignacio González Montes (Ribeira), Hornos de Lamastelle (Carballo), Valogreene Recinor (As Somozas), Armonía Green Galicia (A Coruña), Cortizo (Padrón), Albo (Salvaterra de Miño), Sogama (Vilanova de Arousa), Green Umia (Caldas de Reis e tamén promovida por Foresa e Iberdrola) e, agora, Green Meiga (Begonte). Neste marco, os investimentos totais programados polas empresas roldan os 1.150M€ e o compromiso de xerar ao redor de 750 postos de traballo.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
