Galicia esixe que se derrogue a orde ministerial que cataloga o lobo como unha especie incluída na Listaxe de especies silvestres en réxime de protección especial
Santiago de Compostela, 29 de novembro de 2022. A Xunta de Galicia insta ao Goberno central a acatar o criterio da Unión Europea con respecto do status do lobo e adaptar canto antes o seu nivel de protección á realidade actual da especie ao norte do río Douro, co fin de poder mitigar e actuar de forma efectiva ante o impacto que provoca sobre o medio rural en xeral e a gandaría extensiva en particular.
Tras os contactos mantidos entre os gobernos das principais comunidades lobeiras do país nos últimos meses con representantes de diferentes institucións europeas e eurodeputados, o pasado 24 de novembro a Eurocámara aprobou unha resolución —por unha ampla maioría de 306 votos a favor— na que instaba á Comisión Europea a tomar medidas para flexibilizar a situación actual de estrita protección do lobo e trasladar este acordo ao conxunto dos Estados membros, incluído, por suposto, España.
A resolución comunitaria vai precisamente na liña defendida por Galicia, Castela e León, Cantabria e Asturias —que concentran o 95% dos exemplares de todo o país— desde que en setembro do ano pasado o Ministerio para a Transición Ecolóxica e o Reto Demográfico (Miterd) decidiu, de forma unilateral e sen fundamento científico, incluír todas as poboacións de lobo ibérico de España na Listaxe de especies silvestres en réxime de protección especial (Lesrpe).
Por iso, Galicia celebra a decisión adoptada en Estrasburgo xa que, ao igual que o resto de comunidades lobeiras, considera que lle dá a razón no seu rexeitamento ás últimas medidas adoptadas polo Executivo central con relación á xestión desta especie ao entender que poñen en perigo o equilibrio e a convivencia harmónica entre estes animais e as actividades agrogandeiras coas que comparten territorio.
Así mesmo, cómpre subliñar tamén que despois da resolución adoptada polo Parlamento comunitario a semana pasada, a presidenta da Comisión Europea (CE), Úrsula van der Leyen, remitiu unha carta aos eurodeputados que se interesaran en outubro polo tema a raíz da inquedanza transmitida polos catro conselleiros españois.
Na mesma, Úrsula van der Leyen amósase comprensiva ante a preocupación trasladada con relación aos ataques e conflitos que pode xerar o lobo en determinadas zonas ante as limitacións existentes polo seu actual nivel de protección.
Ademais, tamén traslada que xa deu instrucións aos servizos da propia CE para que analicen en profundidade os datos sobre a situación actual do lobo no territorio da UE e recoñece a posibilidade de que os estados membros apliquen a nivel local as medidas de xestión que vexan necesarias ou consideren derrogar as prohibicións derivadas do estrito nivel de protección do que goza esta especie co fin de prever danos graves.
Neste sentido, a Xunta esixe que, tendo en conta a resolución aprobada pola Eurocámara e mais a carta da presidenta da CE, o Goberno central derrogue canto antes a orde ministerial que cataloga o lobo como unha especie en réxime de protección especial, tendo en conta que esta inclusión supón ir na práctica máis alá do esixido pola propia directiva europea e que atenta contra a protección do medio rural e a supervivencia das actividades económicas tradicionais ligadas ao mesmo, tendo en conta o papel que xoga o sector gandeiro para dinamizar o territorio e contribuír á conservación dos hábitats e da biodiversidade.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
