Os técnicos de Augas de Galicia informaron de que o proxecto está xa redactado e o obxectivo é aprobalo no primeiro trimestre de 2023, tras rematar a supervisión
Viveiro, 30 de novembro de 2022. A Xunta, a través de Augas de Galicia, presentou hoxe ante o Concello de Viveiro e a Deputación Provincial de Lugo o proxecto das actuacións planificadas co obxectivo de reducir o risco das enchentes no núcleo de Xunqueira.
Na xuntanza, os técnicos de Augas de Galicia explicaron os detalles construtivos das solucións previstas nos distintos puntos da zona co obxectivo de reducir o risco de inundacións en Xunqueira como consecuencia do río Fontecova, procurando, en todos os casos, incrementar a súa capacidade hidráulica.
Tanto os representantes do Concello de Viveiro como os da Deputación Provincial de Lugo manifestaron a súa conformidade co resultado do traballo de redacción do proxecto construtivo, froito dun acordo entre esas dúas administracións e a Xunta.
Augas de Galicia, o Concello de Viveiro e a Deputación Provincial de Lugo asinaron un convenio de colaboración para cofinanciar a elaboración dun proxecto sobre as actuacións necesarias para minorar o risco de inundación asociado ao río Fontecova, identificada como unha área de risco de especial potencial significativo.
Antes de iniciar a redacción do proxecto, Augas de Galicia elaborou un plan específico para a xestión do risco nese ámbito, no que se analizaron todos os condicionantes existentes na zona e se cuantificou o perigo de enchente asociado aos diferentes escenarios de chuvia posibles. A partir de aí, sinaláronse medidas para reducir ese risco, tanto no plano da prevención e da preparación como de protección, o que require intervencións estruturais.
Foi ese estudo previo o que permitiu analizar os diferentes tipos de solución construtiva para cada un dos eidos nos que se determinou necesario actuar, tendo en conta na avaliación criterios de eficacia, eficiencia e socioambientais.
A través do proxecto elaborado por Augas de Galicia e cofinanciado polas outras dúas administracións, deuse un paso máis, coa definición a nivel construtivo desas medidas estruturais necesarias que hoxe se presentaron en Viveiro.
Os técnicos de Augas de Galicia explicaron que o proxecto está xa concluído e en fase de supervisión na Administración. Está previsto acadar ese paso no primeiro trimestre de 2023 e proceder entón á súa aprobación.
O Concello de Viveiro deberá abordar agora o xeito para o financiamento destas actuacións, que son, fundamentalmente de tipo urbanístico.
O proxecto presentado hoxe divide as actuacións previstas en tres tramos diferentes e prevé acometer actuacións cun investimento total aproximado de 600.000 €.
Así, segundo o proxecto presentado hoxe, no primeiro dos treitos prevese o aumento e a naturalización do cauce do río, ademais da ampliación da sección da ponte. Este treito ten 81,62 metros de lonxitude e comeza 10 metros augas arriba da ponte que se prevé ampliar.
No segundo treito prevese actuar incrementando e naturalizando o cauce e aumentando a capacidade doutra ponte. Trátase de intervir augas abaixo da ponte da estrada LU-540, unha vez superada a seguinte ponte, que é que se amplía. O treito ten unha lonxitude e 85 metros, nunha zona na que o río está confinado entre a rúa Camiño Fonte e as edificacións, que invaden o cauce o a súa zona de servidume pola marxe esquerda.
A actuación non afectará as edificacións, senón que ampliará o cauce abríndoo pola marxe dereita, reducindo para iso o espazo na rúa Camiño Fonte:
O terceiro treito divídese, á súa vez en dous subtreitos. No primeiro deles, situado entre os p.k, 0+085 e 0+144 do río, está previsto o aumento e naturalización do cauce.
Finalmente, no segundo subtreito prevese rebaixar a rasante da marxe dereita do río para o alivio das posibles avenidas. En concreto, prevese rebaixar a rasante da senda paralela ao río en 20 cm e nunha lonxitude de 54 metros.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
