Foz, 30 de novembro de 2022. Comezan as actividades de Nadal en Foz co acendido da iluminación este venres, 2 de decembro, ás 18:30 horas na praza Conde de Fontao.
O alcalde, Fran Cajoto, anuncia que “Foz prepárase para acoller un Nadal familiar e especial. Por iso dende o Concello trabállase arreo para que todo estea listo para que as próximas datas sexan o máis especiais posibles, sobre todo para os máis pequen@s.
Cremos que o alumeado e a decoración de Nadal son absolutamente necesarios, transmiten ilusión e fantasía nunhas datas familiares que invitan ao reencontro. Somos coherentes coas medidas actuais e o custo da enerxía, polo que decidimos reducir o tempo de acendido e por iso estará en funcionamento entre as 18.30 e ás 23.30 horas, acurtando así o consumo. Todo o alumeado contará con reloxos que realizarán a conexión e desconexión. En canto ás figuras colocadas ao longo do concello, este ano o que máis refulxirá será a árbore de máis de 14 metros que se instalou na Praza Conde de Fontao e dende a que se realizará o acendido. Tamén se poderá facer un percorrido polos distintos photocalls colocados nas prazas de Foz. Gardar un retrato e un recordo de cada lugar pode ser moi bonito”.
O rexedor municipal engade: “non desvelaremos todas as novidades, queremos que a xente veña e pasee por Foz para atopar todos os puntos que teñen decoración. Pero non só teremos máis bonito Foz senón que continuaremos programando actividades culturais e lúdicas para nenos. Ante as obras na Sala Bahía, os lugares de celebración das mesmas deberán cambiar á Casa da Cultura e ao pavillón do Colexio Número 1. Pregamos desculpen as molestias, pero é necesario mellorar un lugar tan utilizado coma a Sala Bahía para que poda continuar prestando o servizo que lle dá a todo Foz”.
A concelleira de Cultura, Inés López Couto, anuncia que “as actividades serán teatrais, de espectáculos, música e xogos. A última semana deste ano e a primeira do 2023 Foz contará con actividades como parque infantil de Nadal, láser tag experience, nerf battle area, obradoiros, … O primeiro evento despois do acendido do alumeado será o festival benéfico organizado pola Escola Municipal de Música Arcadio Mon, que se realizará en favor do banco de alimentos local. Prégase a quen queira aportar o seu gran de área que o faga en forma de alimentos non perecedoiros. Este festival será no salón de actos do colexio Martínez Otero o sábado 3 ás 20.00 horas”.
Inés López Couto engade: “pronto prepararemos todo para a chegada de Papá Noel e os Reis Magos, que os pequenos permanezan atentos porque o alcalde xa lles enviou a invitación e está preparado para recibilos en Foz”.
“Esperemos que a todo o mundo lle agrade a decoración. Non podemos chegar a todas partes, pero o concello segue realizando un esforzo para incorporar novas ubicacións e engalanar a localidade para que á xente veña a pasear e a consumir en Foz, tanto habitantes como visitantes. Animamos a todos os veciños a decorar os seus balcóns ou ventás, como xa se ve dando un paseo en moitos fogares. O único que pedimos é que se coide o mobiliario, xa que é un esforzo de todos que Foz brille como o que é, un lugar único”, remata a concelleira de Cultura.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
