Os populares din que “os orzamentos débense traballar da man da sociedade civil e non facelo dende os despachos de San Marcos, como se veu facendo estes últimos anos”
Lugo, 9, novembro de 2022. O grupo provincial do PP vai intentar que as contas da Deputación para o ano 2023 sexan os orzamentos dos concellos e da veciñanza, nun ano no que a institución provincial disporá de 110 millóns de euros. Aínda sen coñecer o proxecto das contas para o ano que vén, do que os populares só saben o que adiantou o presidente José Tomé no Parlamento, teñen claro que a cooperación cos concellos vía Plan Único non pode manterse no mesmo nivel que en anos anteriores, debido á inflación e a suba dos prezos; polo mesmo motivo, teñen que ser os orzamentos da veciñanza, apunta o portavoz popular, Javier Castiñeira.
Castiñeira sinala: “Dende o grupo provincial do PP pedimos ao señor Tomé que sexa valente á hora de elaborar os orzamentos; entendemos que estes deben ser os orzamentos da veciñanza, é dicir, dos 330.000 veciños da nosa provincia. Da veciñanza e do territorio, porque deben estar tamén pactados cos concellos. Da veciñanza porque débense traballar estes orzamentos da man da sociedade civil e non facelo dende os despachos de San Marcos, como se veu facendo estes últimos anos”.
Os populares consideran que os do 2023 “non poden ser os orzamentos de Tomé nin dos votantes do PSOE e do BNG, que apenas representan un terzo da poboación da provincia; as contas do 2023 non poden ser un copia e pega doutros anos, nin absolutamente electorais, como demostra diariamente a maquinaria propagandística do bipartito”.
Castiñeira explica: “Sabemos que Tomé non quere falar co grupo máis votado, que é o do PP; sabemos que aínda non falou tampouco cos representantes dos traballadores nin temos constancia de que o fixera cos representantes da sociedade civil. Pedimos ao bipartito un esforzo e que vaia máis aló do meramente político, para que a Deputación xogue un papel principal na recuperación da provincia”. Engade: “Non se pode falar de orzamentos participativos só cando se elaboran os programas electorais do Partido Socialista e do BNG, que é o que fan estes dous partidos cada vez que chegan ás institucións: moitas palabras bonitas nos programas electorais, pero poucos feitos despois nas institucións”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
