Reforzarase a presenza de axentes nas principais vías de comunicación, polígonos industriais, portos e outras zonas de tránsito de mercancías para garantir o dereito a traballar e o subministro de puntos de venda
Lugo, 11 de novembro de 2022. A subdelegada do Goberno en Lugo, Isabel Rodríguez, reuniuse esta mañá cos responsables das Forzas e Corpos de Seguridade do Estado na provincia para coordinar o dispositivo preventivo que garanta a operatividade das comunicacións, especialmente nos centros loxísticos, con motivo da convocatoria dun paro por parte dunha plataforma minoritaria do sector do transporte. Fíxoo en coordinación coa Delegación do Goberno, tras a reunión do pasado mércores do delegado, José Miñones, cos responsables autonómicos e co resto de subdelegacións en Galicia.
Isabel Rodríguez informou que a Policía Nacional e a Garda Civil reforzarán a presenza de axentes nas principais vías de comunicación da provincia, nos accesos aos polígonos industriais, nos portos de Burela e Celeiro e noutras zonas de relevancia loxística para garantir o dereito daquelas persoas que opten por traballar durante as xornadas que dure o paro.
Deste xeito, o Goberno traballa para dar todas as garantías ao transporte de servizos esenciais nas estradas da provincia de Lugo, asegurando a subministración a puntos de venda, supermercados e áreas comerciais.
Ademais, a Delegación do Goberno en Galicia e a Subdelegación en Lugo manterán permanentemente informados aos sectores afectados e ás organizacións empresariais lucenses.
Na reunión, celebrada este venres na Subdelegación do Goberno, participaron ademais da subdelegada, o comisario principal da Policía Nacional, José María Esteban; o tenente coronel xefe interino da Garda Civil, Carlos Freire; o capitán xefe do Subsector de Tráfico, José Miguel Martínez; o xefe provincial de Tráfico, Ángel Álvarez; o intendente xefe da Policía Local de Lugo, Jesús Piñeiro; e o vicesecretario da Subdelegación, Luis Torres.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
