Informou que 100 mulleres vítimas de violencia de xénero da provincia benefícianse da Renda Activa de Inserción, unha axuda de 430€ ao mes; e 7 mulleres teñen un novo traballo grazas ás bonificacións do Goberno
Lugo, 28 de novembro de 2022. A subdelegada do Goberno en Lugo, Isabel Rodríguez, destacou hoxe as medidas levadas a cabo polo Goberno para facer fronte á violencia económica de xénero que sofren as mulleres vítimas de violencia de xénero. Fíxoo na inauguración da xornada “Violencia económica sobre la mujer: Impago de pensiones”, organizada pola Subdelegación do Goberno en Lugo con motivo do Día Internacional para a Eliminación da Violencia contra as Mulleres.
A conferencia contou coa participación da maxistrada titular do Xulgado nº2 de Lugo, Sandra Piñeiro Vilas, e a psicóloga sanitaria e forense Raquel Lombao Fernández, e estivo dirixida a persoal dos servizos sociais dos concellos, dos centros de información da muller e das asociacións que traballan con mulleres vítimas de violencia de xénero.
A subdelegada sinalou que a violencia de xénero non só é física. Tamén é psicolóxica e económica. “Ás veces a violencia machista non remata cando a muller se separa da súa ex-parella. Estes abusos poden seguir continuando, especialmente se teñen fillos. Unha violencia, por tanto, que non se ve, pero que doe igual”, advertiu.
Así, explicou que cando se fala de violencia económica se está a falar do non pagamento das pensións, das cotas hipotecarias, de poñer impedimentos para que a muller traballe ou o control das súas contas bancarias por parte dos maltratadores. “Un tipo de violencia psicolóxica que por desgraza sofren moitas mulleres e que limita a súa liberdade”, lamentou Rodríguez.
Neste ámbito, a subdelegada puxo en valor que o Goberno estea a estudar as fórmulas para que a violencia económica, e especialmente a falta de pagamento das pensións, sexa tipificada como unha modalidade de violencia de xénero no Código Penal. “Porque a lei merece ser actualizada e adaptada ás novas formas de violencias que se exercen contra as mulleres”, engadiu.
Así mesmo, detallou medidas deseñadas polo Goberno para facer fronte á violencia económica como a Renda Activa de Inserción, unha axuda de 430 euros mensuais, da que se benefician 100 mulleres na provincia de Lugo. Ademais, o Executivo ofrece bonificacións ás empresas que contraten a mulleres vítimas de violencia de xénero, o que permitiu que este ano 7 persoas tiveran un novo emprego na provincia.
Durante a súa intervención, a subdelegada lembrou que foi este Goberno o que devolveu aos concellos, a administración máis próxima aos cidadáns, as competencias en materia de igualdade e de violencia de xénero, acompañada da transferencia de recursos económicos para que poidan desenvolver políticas que protexan ás mulleres. Nesta liña, o Executivo achegou 237.000 euros, procedentes do Pacto de Estado, aos municipios lucenses que permitiu intensificar as actuacións contra a violencia de xénero e seguir prestando uns servizos fundamentais de información, concienciación e protección das vítimas na provincia.
“E o facemos porque o Goberno de España sitúa o combate por atallar a violencia machista e a loita pola igualdade no centro de todas as políticas. O facemos con toda convicción e firmeza, porque este Goberno sempre estivo ao lado das mulleres, da loita feminista e pelexando contra os maltratadores”, salientou Isabel Rodríguez.
Finalmente, a subdelegada agradeceu o traballo das Unidades de Violencia de Xénero da Delegación e Subdelegación do Goberno en Lugo e o interese das dúas especialistas en participar na xornada, “que axuda a visibilizar a magnitude da violencia económica para previla, pois é un problema que temos que erradicar entre todas e todos”,
As poñentes
A xornada correu a cargo da maxistrada titular do Xulgado Nº2 de Lugo, Sandra Piñeiro, e a psicóloga sanitaria e forense da Asociación Penitenciaria Concepción Arenal, Raquel Lombao que falaron sobre a violencia de xénero abordando, entre outros, temas relativos á violencia económica e patrimonial, os tipos de resposta do ordenamento xurídico nacional e internacional, e os efectos sobre a saúde mental das vítimas e das familias.
Sandra Piñeiro forma parte desde 2022 do Observatorio Galego da Violencia de Xénero, designada polo Tribunal Superior de Xustiza. Antes da súa chegada a Lugo, estivo 5 anos como xuíza titular do Xulgado de Primeira Instancia e Instrución Nº1 de Marín. Conta con varias publicacións e imparte numerosos cursos a compañeiros e compañeiras da carreira xudicial, ademais de ser profesora dende 2019 na UNED de Lugo.
Pola súa parte, Raquel Lombao ten a súa actividade no ámbito da Psicoloxía Clínica e Forense nun despacho profesional. Colabora para numerosos colectivos como a Asociación Penitenciaria Concepción Arenal, a Asociación Rioplatense, Auxilia Lugo e Aspace Lugo, cos que desenvolve programas dirixidos a persoas con dicapacidade física, con parálise cerebral, reclusas ou migrantes, entre outros.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
