Ribadeo, 4 de novembro, 2022. Neste comezo de curso fóronse clarificando varios proxectos de infraestruturas ben relevantes que o grupo municipal do BNG puxo en marcha coa súa acción de goberno. Cando nos presentamos ás eleccións, desde o BNG de Ribadeo manifestamos a nosa firme intención de seguir promovendo o desenvolvemento económico, social e cultural do noso concello. É ben certo que este mandato viuse condicionado pola crise socio-sanitaria da COVID, que mesmo o estoupido posterior da guerra de Ucraína acabou condicionando a disponibilidade orzamentaria das diferentes institucións. Pero os nosos proxectos seguen a saír adiante. O compromiso do BNG foi desenvolver Ribadeo. E niso estamos: aplicando o noso programa electoral e proxectando novas ideas que se fan realidade.
Para levar a cabo moitos deses proxectos, ou para facer fronte a problemas que xorden ao longo do mandato, hai un complexo proceso de tramitación que non só é responsabilidade do Concello: hai prazos, hai inercias noutras institucións que non podemos controlar desde aquí; non chega con imaxinarse que, como algunha persoa así cre, por ser un quen é, vánselle abrir as portas con tan só poñerse diante delas.
O BNG de Ribadeo é consciente de que as relacións entre institucións téñense que basear en criterios obxectivos e rigorosos. E ese rigor foi o que puxeron os nosos compañeiros e compañeiras do grupo de goberno para lograren sacar adiante proxectos como as pistas multideporte entre a Avda. de Galiza e as rúas Daniel Cortezón e Pintor Fierros, ou o compromiso conxunto entre o BNG e o PSdeG-PSOE para que desde o goberno da Deputación se puidesen poñer en marcha as obras de ampliación da ponte de Feve. Ou as obras do barrio da Pega e as rúas Río do Amalló e Veigadaira. Ou para que se puxesen en marcha importantes obras nas parroquias (como a ponte entre Piñeiro e Balboa, ou a estrada dos Fornos, que une Remourelle co veciño concello de Barreiros).
É certo que estamos a vivir unha situación ben singular no mundo da construción polo encarecemento dos produtos. Mesmo nalgunha ocasión algunha empresa acabou deixando de cumprir os acordos da concesión de construción dunha infraestrutura, razón pola que houbo que rescindir o contrato. E iso supuxo paralización da obra e posta en marcha dun novo proceso de concesión. Que doado foi para algunha xente comezar a proclamar aos catro ventos que o concello non era quen de sacar adiante os seus compromisos! Pero para que unha actitude valente (como é a de rescindir un contrato por incumprimento da empresa adxudicataria) saia adiante e con éxito, hai que ser prudente e rigoroso. Ben se ve que unha cousa é predicar (afirmar que o goberno do BNG non é competente) e outra dar trigo (lograr tramitar con éxito unha rescisión e poñer de novo en marcha as obras para que se realicen a tempo). A construción do carril bici pola estrada do Faro e Campoxurado está en marcha.
Isto mesmo puidémolo experimentar con respecto ás escaleiras que baixan á praia do Cargadoiro. Estamos a falar dunha obra que, para poñela en marcha, hai que negociar con outro organismo, a Dirección Xeral de Costas. Que doado resultou tamén dicir que o BNG non responde dos seus compromisos electorais, que o goberno municipal do BNG non quería amañar esa escaleira porque non lle quere ben aos veciños e veciñas de Vilaselán, e de Ribadeo en xeral, que gustan de visitar esa praia. Xestionar un proxecto que se adecúe ás instrucións de Costas e agardar a resposta de dito organismo é algo máis serio. Pero ao remate, todo acaba vendo a luz. Tamén se van amañar esas escaleiras unha vez superados todos os trámites. Claro que nos gustaría que estivese listo para o verán anterior, pero non dependía só de nós. E as cousas hainas que facer ben para que sexan aprobadas. Tal e como lles é tan doado facer esas críticas, serán igual de espabilados para lograren que a Xunta apoie economicamente a remodelación integral do Hospital Asilo de Ribadeo? Ou van seguir mareando o peixe con escusas de mal pagador?
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
