José Tomé Roca, que estivo acompañado pola Subdelegada do Goberno, cumpriu co compromiso de financiar dende a Deputación a dotación destes dispositivos para mellorar a seguridade e protección da cidadanía
Lugo, 8 de novembro de 2022. O Presidente da Deputación de Lugo, José Tomé Roca, entregou este martes pola tarde tres desfibriladores ás comisarías da Policía Nacional da provincia, en Lugo, Monforte de Lemos e Viveiro. José Tomé recibiu no Pazo de San Marcos por este motivo á Subdelegada do Goberno en Lugo, Isabel Rodríguez, ao xefe provincial da Comisaría da Policía de Lugo, José María Esteban Corral, o inspector xefe da Comisaría Local de Viveiro en funcións, Roberto Saa Ramos, e á inspectora xefa da comisaría de Monforte de Lemos, Mónica Gutiérrez.
O mandatario provincial cumpriu así o compromiso de financiar dende a institución a dotación destes dispositivos para mellorar a seguridade e protección da cidadanía ante posibles fallos cardíacos cunha medida que vai na liña do que recomendan as organizacións de profesionais sanitarios e do que promove a propia Deputación.
O Presidente enmarcou esta colaboración na vontade da institución provincial de cooperar con outras administracións e cos corpos e forzas de seguridade do Estado para sacar adiante iniciativas en beneficio da cidadanía.
Pola súa parte, a Subdelegada do Goberno en Lugo agradeceu á Deputación e ao seu Presidente a colaboración coas Forzas e Corpos de Seguridade de Estado para que as tres Comisarías da Policía Nacional na provincia conten con este novo equipamento, que protexerá ao persoal de servizo e a calquera cidadán ante unha emerxencia cardíaca, “pois é un beneficio para o conxunto da provincia”.
Deste xeito, Isabel Rodríguez sinalou a importancia do recoñecemento rápido ante unha situación de parada cardíaca sobrevinda e o uso precoz dun desfibrilador para reverter este tipo de emerxencias sanitarias. “Con esta iniciativa demostramos a importancia da colaboración entre administracións para responder ás demandas da cidadanía e garantir os mellores servizos públicos”, destacou a Subdelegada.
Os expertos en cardioloxía aseguran que, en situación de parada cardiorespiratoria, cada minuto que pasa sen atención diminúe nun 10% a probabilidade de supervivencia. Ao cabo de dez minutos, as posibilidades son mínimas, polo que a reanimación debe comezar de forma inmediata ou o máis rápido posible. Por iso, dixo Tomé, “é tan importante contar con equipos desfibriladores nas instalacións e espazos públicos para reducir ao mínimo posible o tempo de reposta ante unha parada respiratoria. Estamos falando da diferencia entre a vida ou graves secuelas, ou mesmo a morte”.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
