Na iniciativa rexistrada tamén propón “que se habiliten medidas de axuda especiais para a flota lucense afectada polo veto á pesca de fondo e que se amose, a través dos orzamentos, o apoio ao sector primario, nomeadamente aos gandeiros e agricultores”
Lugo, 27 de novembro de 2022. O Grupo Socialista da Deputación de Lugo defenderá no vindeiro Pleno da Corporación provincial, que se celebrará este martes, unha moción na que propoñen ao Goberno galego acometer as infraestruturas necesarias para o desenvolvemento da provincia.
Os socialistas solicitan, a través desta proposta, “modificar os orzamentos para subsanar os incumprimentos pendentes coas infraestruturas e o reforzo dos servizos públicos da provincia de Lugo”. Nesa liña, solicitan un plan de reindustrialización que faga fronte á perda de emprego industrial, nomeadamente na comarca da Mariña.
Na iniciativa rexistrada tamén demandan “que se habiliten medidas de axuda especiais para a flota lucense afectada polo veto á pesca de fondo e que se amose, a través dos orzamentos, o apoio ao sector primario, nomeadamente aos gandeiros e agricultores”.
Gobernos conservadores de costas a Lugo
Dende o PSdeG inciden en que “os sucesivos goberno do Partido Popular, ben á fronte da Xunta de Galicia, ben no Goberno do Estado, non tiveron un compromiso real coa provincia de Lugo. Especialmente no eido das infraestruturas e dos servizos públicos, a xestión dos gobernos conservadores fíxose sempre de costas a Lugo e ás necesidades dos lucenses. Tal e como recoñeceron institucións independentes como o Tribunal de Cuentas, que constatou a parálise das obras do AVE galego entre 2014 e 2017, sendo ministra Ana Pastor”.
Así as cousas, os socialistas advirten de que “ano tras ano, proxectos fundamentais como a Ronda Leste, o Porto Seco de Monforte, a VAC Costa Norte, as obras de desdobramento do corredor Lugo-Monforte ou o Plan Paradai reciben partidas orzamentarias que non se traducen en obras reais”.
Partidas pantasma
Nalgún caso, engaden, “podemos falar de partidas pantasma” porque se aparecen de xeito reiterado, coas mesmas cantidades, ano tras ano, pero nunca chegan a gañar realidade física en proxectos concretos, inicios de obras ou transformación da realidade. Noutros casos, as partidas resultan vergoñentas, como os menos dos 200.000 € consignados pola Xunta para a Estación Intermodal. Que contrastan cos 15M€ que o Goberno do Estado vai adicar a esta infraestrutura”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
