Pregúntase se hai alguén a fronte da Xunta, ante propostas como urxencias telemáticas nos PACs ou substituír persoal médico polo de enfermería
Santiago de Compostela, 18 novembro 2022. A portavoz nacional, Ana Pontón, avanzou que o BNG solicitará a comparecencia urxente do presidente da Xunta no Parlamento para que dea conta do “desastre que está poñendo en marcha na sanidade pública”, tras preguntarse á vista da sucesión de propostas disparatadas, “se hai alguén á fronte do Goberno da Xunta”.
“Está claro que non á vista de que este Goberno vai de ocorrencia en ocorrencia poñendo en risco a saúde dos galegos e das galegas”, denunciou Pontón en referencia ás últimas medidas anunciadas polo Executivo do PP, como atender as urxencias nos PACs usado telepantallas ou substituír persoal médico por persoal de enfermería. “Estamos ante unha nova chapuza”, incidiu desde Soutomaior, onde mantivo un encontro con produtores vitivinícolas.
Pontón denuncia que Goberno do PP “leva trece anos traballando para demoler a sanidade pública” e, os últimos anuncios, mostran que está nunha fuxida cara adiante, de aí que o BNG demande a comparecencia urxente de Rueda. “Ten que dar a cara e temos que parar o deterioro do noso sistema público de saúde da man dun PP que, cada vez, dá un paso máis, agora coa proposta de PACs sen persoal facultativo. Queremos que as urxencias se atendan presencialmente e queremos PACs nos que os médicos e médicas exerzan como tales e os enfermeiros e enfermeiras, tamén”.
A líder do Bloque volve reclamar a Alfonso Rueda “que deixe de poñer en risco a saúde e a vida dos galegos e das galegas e que dea un xiro de 180 graos na súa política de acoso á sanidade pública, porque coa saúde da xente non se xoga”, subliñou.
A portavoz nacionalista sumou ás últimas ocorrencias do PP aos trece anos de recortes e privatizacións que conduciron á situación na que hoxe se atopa a sanidade pública, cunha atención primaria colapsada con listas de espera de ata quince días para ter cita presencial nos centros de saúde, miles de usuarios e usuarias que non teñen médica asignada e nenos e nenas sen pediatra ao longo e ancho de Galiza. O Goberno do PP está empeñado “en demoler a sanidade pública, pero non imos deixar que o consiga”, concluíu.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
