O Concello de Barreiros fará entrega dos premios o domingo 27 de novembro
Barreiros, 16 de novembro de 2022. Romina Reimondo e Alejandro Villalba proclamáronse gañadores do circuíto de carreiras populares +KmsBarreiros organizado polo Concello de Barreiros e que contou co apoio da área de deportes da Vicepresidencia da Deputación Provincial.
O 9 de xaneiro, coa Carreira Popular de Reis organizada polo Concello de Barreiros, daba comezo unha nova proposta da concellería de dinamización e participación veciñal que consistía en agrupar as 6 carreiras populares que se celebran no municipio dentro dun gran evento “dándolles así un maior apoio e difusión tendo en conta o gran esforzo que supón para as entidades organizadoras destes eventos e valorando as potencialidades que posúen” sinala Dani García, concelleiro de dinamización e participación veciñal.
Continuaba o 17 de abril coa Carreira Popular das Praias organizada pola asociación cultural e deportiva Praias de Comado.
A terceira proba do circuíto, a carreira popular Benquerencia Terra-Mar, tiña lugar o 6 de agosto e estaba organizada pola asociación deportiva Augas Santas de Barreiros.
En outubro chegaba a quenda das carreiras de montaña, concretamente da 1/2km Vertical e dos Trails Monte Comado que se celebraron na fin de semana do 15 e 16. Ambas organizadas pola asociación cultural e deportiva Praias de Comado.
A sexta, e derradeira proba do circuíto, a carreira popular Ao son do Masma, tivo lugar este pasado domingo en Celeiro de Mariñaos na se deron cita uns 200 atletas. Esta carreira estivo organizada polo colectivo cultural Ollomao.
Dani García, agradece a alta participación en cada unha das probas así como a deportividade e bo ambiente vivido. “Dar os meus parabéns a Romina e a Álex como gañadores das categorías absolutas nesta primeira edición do circuíto +KmsBarreiros, tamén quero estender os meus parabéns ao resto de gañadores/as das diferentes categorías os e as cales se poden consultar na web www.maiskmsbarreiros.gal”. O edil agradece tamén “o empeño e compromiso de todas as asociacións organizadoras, das entidades colaboradoras así como da asociación de voluntarios de Protección Civil de Barreiros que velan pola seguridade dos e das participantes”.
A entrega de premios; en total 700€ en metálico, así como un obsequio para cada atleta que participara en 4 ou máis probas, terá lugar o domingo 27 de novembro ás 11:00 h. no salón de actos da Casa do Concello de Barreiros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
