Villares puxo como exemplo o caso de Cervo, “que recibe do Estado unha contía irrisoria que apenas chega para sufragar o 30% do incremento do gasto do día a día que estamos abocados a soportar desde as administracións locais”
Cervo, 22 de novembro, 2022. O vicepresidente primeiro da Fegamp, Alfonso Villares, lamenta a urxencia da Fegamp á hora de facer público un estudo sobre o financiamento dos concellos pasando por alto o debate e a análise sosegada e tranquila previa no seo do organismo e coa Administración autonómica.
Villares precisou que, á marxe do vello debate das competencias e tal e como me trasladan moitos alcaldes e alcaldesas, o tema máis urxente que preocupa na xestión do día a día dos concellos é o da inflación desbocada que non se dá controlado e que está “poñendo entre as cordas a economía das administracións locais”, nomeadamente dos concellos máis pequenos.
O tamén rexedor cervense apunta que os gastos do día a día dos concellos están disparados “e o diñeiro que nos transfire o Estado non chega, nin por asomo, para afrontar esta realidade que oprime as arcas municipais”.
Villares puxo como exemplo as cifras do municipio que goberna, e que se poden extrapolar a calquera concello galego, “o que recibimos do Estado é unha contía irrisoria que non nos chega nin para comezar a sufragar o incremento, por exemplo, do gasto estimado en persoal, electricidade ou combustible”.
Este incremento cifrase en Cervo, este ano, en 316.524 euros –engade- dos cales o Estado sufraga 100.000 euros, unha contía que, evidentemente, “está moi lonxe de aliviar esta situación que asfixia, sobre todo, aos municipios pequenos”, subliñou.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
