O deputado popular espera que o Goberno de Pedro Sánchez rectifique e escoite o clamor do sector pesqueiro
A Mariña lucense, 29 de decembro de 2022. O deputado do Grupo Popular e presidente da Comisión de Pesca do Parlamento Galego, José Manuel Balseiro, reclama ao Goberno de Pedro Sánchez que rectifique e acorde de xeito inmediato a rebaixa do imposto do valor engadido (IVE) tamén para os peixes e mariscos.
Segundo o deputado popular a actual exclusión dos produtos do mar do paquete de medidas contra a inflación “é unha decisión inxusta e discriminatoria” co sector da pesca que, “como todos sabemos non está a pasar polos mellores momentos, polo que merece medidas de apoio”.
Balseiro asegura que peixes e mariscos reúnen todas as condicións para ser considerados como un “alimento esencial” ademais de imprescindible “para un dieta saudable” polo que precisan o mesmo trato fiscal que o Goberno de esquerda está dando a outros produtos de primeira necesidade.
O deputado mariñán avanza tamén a presentación de distintas iniciativas parlamentarias dirixidas a forzar unha rectificación do Goberno socialista e pide que A Moncloa escoite o clamor que esta reivindicación ten no conxunto das asociacións e entidades do sector pesqueiro e á propia Xunta.
Con todo Balseiro explica que esta petición “non nace agora” senón que é unha demanda recorrente nos últimos anos. “Sempre defendemos que os produtos do mar deberían ter o IVE máis baixo. Agora, por congruencia e proporcionalidade meren gozar da mesma rebaixa que o resto dos alimentos básicos”, medida “que tamén contribuiría a estimular a demanda destes produtos e apoiar empresas e profesionais do mundo do mar”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
