Nesta fase, que contempla tamén a humanización da rúa, colabora a área de medio rural da Deputación cunha aportación de máis de 68.000 euros
Barreiros, 12 de decembro de 2022. O Concello de Barreiros continúa coas obras de adecuación dun espazo que ata hai dous anos era completamente residual e que agora conta cunha pista multideporte, que será complementada con máis espazos para uso da veciñanza, especialmente a máis nova.
A área de Medio Rural da Deputación, dirixida por Mónica Freire, colabora económicamente neste proxecto; tras a denegación da axuda de infraestruturas da Xunta de Galicia.
A deputada visitou a zona acompañada do goberno municipal que lle explicou as actuacións a levar a cabo e os motivos que os levaron a poñer en marcha este proxecto.
A alcaldesa, Ana Ermida, explicou que “esa parcela municipal estaba nun completo estado de abandono, nunha zona onde hai concentración de poboación, xa que están as vivendas sociais e máis o colexio público e decidimos adecuala para o disfrute de ocio da poboación.” A rexedora explicou que comezaron coa colocación dunha zona de compostaxe comunitario, tamén coa colaboración de medio rural da deputación; colocaron unha pista multideporte por medio da colaboración coa secretaría xeral de deportes da Xunta e agora continúan adecentando esa zona que, sen dúbida, pasará a converterse nun dos centros da parroquia, pola súa ubicación e proximidade aos espazos onde reside e socializa a xente, ao estar próxima ao único parque infantil existente no núcleo e a unha zona de paseo habitual coma O Xuncal.
As actuacións contemplan ademais a inclusión de elementos coma beirarrúas, alumeado e pintado da rúa para o uso como espazo de ocio en condicións de seguridade, contribuído á socialización con independencia da idade.
Mónica Freire trasladou ao goberno municipal “a disposición da súa área para colaborar cos concellos na mellora da calidade de vida da súa veciñanza, especialmente en concellos coma Barreiros que sen colaboración de outras administracións non poderían acometer este tipo de proxectos.” Así, a deputada lembrou outras colaboracións da área que dirixe en Barreiros, como a renovación de tubaxes de abastecemento de auga, a mellora de vías forestais, a posta en marcha dun composteiro mancomunada ou a compra de vehículos e maquinaria para a prestación de servizos municipais.
Esta fase do proxecto, contempla obras por un importe de 71.874,19 euros, dos que a área de medio rural da Deputación aporta 68.280,48 €; poñendo o Concello de Barreiros os 3.593,71 € restantes.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
