Foz, 14 de decembro de 2022. O alcalde de Foz, Fran Cajoto, solicita unha reunión urxente á conselleira de Política Social e presidenta do Consorcio Galego de Igualdade e Benestar, Fabiola Martínez, para demandar a entrega da propiedade da residencia de maiores focega ao Concello ante “o abandono de responsabilidades por parte da Xunta de Galicia”.
O rexedor municipal de Foz explica que “a Xunta desenténdese descaradamente dunha residencia da que é propietaria. A conselleira leva a Foz a un calexón sen saída: o convenio asinado finaliza en xaneiro e a Xunta non quere xestionar o seu propio edificio pero tampouco dá solucións. Voulle demandar de forma clara e rotunda á conselleira que nos entregue a propiedade do edificio: se a Xunta non asume as súas propias competencias que nos deixe a nós facelo, pero con todas as da lei”.
O alcalde de Foz admite sentirse “frustrado e indignado” coa Xunta de Galicia e cun Consorcio Galego de Igualdade e Benestar que “a pesar de estar integrado tamén polos concellos ningunea aos municipios e segue unicamente as directrices de Santiago. Abrímoslle as portas á conselleira. Visitou a residencia, xestionada polo Concello, en dúas ocasións. Demandeille reiteradamente unha ampliación das prazas da residencia, un novo edificio porque só dispoñemos de 40 camas e hai 130 maiores en lista de agarda. Non resolveu nada e agora tampouco quere xestionala finalizado o convenio cando é a súa obriga, a súa responsabilidade”.
Fran Cajoto engade que “o 1 de decembro do 2020, ás 7.57 horas e con número de rexistro en destino 2020/2339, o Consorcio recibiu a notificación do acordo plenario do 26 de novembro dese ano. Un acordo plenario aprobado por unanimidade, cos votos favorables do Partido Popular, no que se lle recordaba ao Consorcio que a partir do ano 2023 debían xestionar a residencia de Foz, xa que vencía o convenio asinado no 2018. Non fixeron absolutamente nada e seguen sen facelo. Isto quedará na conciencia de cadaquén. Espero que non poñan máis escusas. Se non van colaborar coas veciñas e veciños de Foz, se non interesamos, se non queren xestionar, que se aparten e nos entreguen a propiedade do edificio, o que se coñece como mutación demanial subxectiva. Farémolo nós, con menos recursos e máis esforzo, pero cun compromiso claro e evidente de servizo público”.
O alcalde recoñece que “a primeira opción foi sempre que a residencia volvese ao seu lexítimo propietario, o Consorcio, o que suporía unha residencia verdadeiramente social, cun custe menor para os usuarios residentes, de só unicamente o 80 por cento da súa pensión. Pero, ante a absoluta falta de responsabilidade da Xunta de Galicia, o Concello demanda a titularidade do edificio, para poder facer a mellor xestión posible: ademais da reunión solicitada imos levar a pleno a demanda ao Consorcio Galego da transmisión da titularidade do edificio da residencia. Esperemos que a actitude do Partido Popular de Foz cambie e apoie a proposta da Alcaldía, que axude en algo a este concello, precisamente coa administración na que deberían ter capacidade de influencia”.
O rexedor municipal de Foz quere trasladar unha mensaxe de tranquilidade aos usuarios e traballadores da residencia: “os traballadores teñen e terán sempre dereito de subrogación. Os usuarios van a continuar na residencia, que é o seu fogar. Esperemos que a Xunta resolva rápido e non xere máis incerteza nunha concesionaria que vai a continuar a prestar o servizo cun contrato xa esgotado. Traballadores e residentes non merecen isto”.
O alcalde de Foz conclúe: “somos e seremos responsables, agardamos que a reunión solicitada se celebre de forma urxente e que se desbloquee unha situación inverosímil: o abandono da Xunta dun servizo propio nun edificio que ademais é da súa propiedade”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
