Luís Bará propuxo elaborar un informe sobre os plans desenvolvidos no concurso eólico do 2010 e os “monetarizados” sen execución ao que o PP, unha vez máis, votou en contra
Santiago de Compostela, 14 de decembro, 2022. O deputado do BNG, Luís Bará propuxo a través dunha proposición non de lei, que o goberno elaborara un informe sobre os plans desenvolvidos no concurso eólico do ano 2010 e os plans industriais substituídos “por monetarización”, pagamentos de cantidades económicas das arcas públicas, así como os proxectos que se reactivaron no ano 2017, e as indemnizacións a empresas no ano 2008. Unha vez, afirmou o nacionalista, atopamos como resposta a negativa do Partido popular a ofrecer a información requirida sobre os proxectos industriais e monetarización.
Durante a súa intervención, o parlamentario do BNG preguntou que quere “ocultar a Xunta” con esta negativa reincidente xa que o propio director Xeral de Planificación Enerxética tamén se negou a responder as preguntas formuladas polo BNG sobre o caso Greenalia cunha monetarización de “11,7 Millóns de euros” polos parques eólicos de Campelo e Lamas de Feás e “que a Xunta lle perdoou a esta empresa”. A empresa, engadiu, “das portas xiratorias na que traballa a ex-conselleira do PP, Beatriz Mato”.
Na súa intervención na Comisión de Medio Ambiente, o nacionalista asegurou que existen indicios de que esta situación pode repetirse nos proxectos que se están a tramitar na actualidade polo que volveu a reclamar a documentación solicitada e negada sistematicamente polo goberno.
Por outra banda, criticou que o Partido popular vetara a solicitude do BNG para que comparecera o Vicepresidente 1º en sesión plenaria para dar explicacións sobre os plans desenvolvidos no concurso eólico do ano 2010 e as denuncias sobre “presunta malversación”. Malversación, retierou co “perdón” de 11,7 millóns de euros a empresa Greenalia das arcas públicas e a asegurou que o acontecido con Greenalia é só “a punta do iceberg” no que tamén están implicados outros proxectos industriais de empresas adxudicatarias do concurso eólico do ano 2010 que “non chegaron a ser executados”.
Bará cualificou de “feito grave e trato de favor da Xunta a empresas adxudicatarias que despois non cumpriron” e anunciou que o BNG pedirá ao titular de Industria, Francisco Conde, “explicacións e responsabilidades políticas” así como a anulacións de todas as decisións contrarias á lei e aos “intereses das arcas públicas”
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
