O BNG aposta por un plan para blindar á sanidade pública fronte a regresión dos recortes: máis especialistas nos PACs, ofertas laborais con condicións dignas, novas categorías profesionais e unha partida específica nos orzamentos
Santiago de Compostela, 1 de decembro 2022. O BNG denunciou no Parlamento a situación de colapso da sanidade pública galega e seu deterioro promovido polos recortes do Partido Popular. En concreto, recriminou a situación da área sanitaria de Pontevedra – O Salnés, con centros de Atención Primaria sen médicos, co persoal baixo mínimos e en risco de peche por mor da reorganización anunciada pola Consellería de Sanidade.
“Hai 20 anos, por mor da catástrofe do Prestige, o pobo galego autoorganizouse, asistiu atónito á actuación do PP na Xunta e no goberno español, e berrou alto e claro Nunca Máis, hoxe Galiza estase convertendo nun clamor que lles está dicindo de novo Nunca Máis a tanta mentira e tanta manipulación”, declarou a portavoz de Sanidade, Montserrat Prado. Recriminou á Consellería de Sanidade a súa política de “negación da realidade, onde só poñen escusas” que ten como resultado “centros de saúde sen os profesionais precisos, aumento do risco pola desatención, PAC sen médicos e crianzas sen pediatras”, criticou.
Prado acusou aos Populares de “ineficacia” porque “non teñen capacidade de solucionar nada, suben a esta tribuna a dicir que hai un problema e que o ten que solucionar Madrid”. Aproveitou, ademais, para evidenciar a política dun Partido Popular “que lle baixa os impostos aos ricos mentres recorta a sanidade pública están no goberno para actuar en servizo dos de arriba”. Un tipo de política sanitaria que, resumiu, “quere cambiar a tarxeta sanitaria pola tarxeta bancaria”. Unha estratexia de recortes, explicou, que está a provocar o aumento do gasto na sanidade privada, nunha comunidade segunda pola cola en investimento en Atención Primaria, e a cuarta en investimento en persoal”, reprobou.
Unha política alternativa que blinde o dereito á sanidade
A portavoz de Sanidade defendeu o modelo de sanidade pública do BNG fronte ao retroceso do modelo conservador “no que agora din que queren reorganizar os centros, e iso xa sabemos o que significa, deixar a Cuntis, Moraña ou Portas sen pediatra”. Emprazou ao PP a presentar un plan específico para solucionar a situación de “colapso” da área sanitaria Pontevedra – O Salnés, das máis afectadas polos recortes; a garantir que os PACs presten unha atención completa con persoal facultativo, enfermeiro e celador; un plan inmediato para reter o talento formado en Galiza, con condicións laborais dignas e unha ampliación das especialidades como psicoloxía clínica, logopedia ou nutrición.
A parlamentaria do Bloque tamén esixiu ao Goberno do PP a posta en marcha dun rexistro específico de profesionais e de prazas que axude a identificar a situación e, tamén, a presentar un informe que contemple as xubilacións en enfermería e medicina entre 2013 e 2022, o número de prazas cubertas nese período e prazas MIR convocadas e adxudicadas no mesmo.
Prado defendeu este modelo alternativo “que evitaría que a cidadanía teña que acudir a Urxencias, evitando hospitalizacións e cronificacións de enfermidades”. Propostas que foron votadas en contra polo PP, ante o que Prado acusou de querer “asistencia de calidade só para quen a queira pagar, e iso non o imos consentir”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
