O novo presidente do PP mindoniense manifestou que “de forma máis inmediata, centrarémonos en preparar o intenso calendario de eleccións; xa que en menos de dous anos teremos catro citas coas urnas”
Mondoñedo, 17 de decembro de 2022. Os afiliados e afiliadas do PP de Mondoñedo elixiron por aclamación a candidatura de Armando González Barreira, a única presentada ao congreso local que a formación celebrou este sábado na Casa da Xuventude. Deste xeito, convértese no novo presidente do PP local que contará con Ángeles Rodríguez Rico como secretaria xeral; Alberto García Fernández como vicesecretario xeral; e outras nove persoas que actuarán como vocais: o alcalde, Manolo Otero; os concelleiros Manuel Tapia, José Otero Rejes, Patricia Otero e Beatriz Meilán; e José Ramón Díaz Barreira, Ana Mel López, Mª Gervasia Cabanas Eiras e Mª Amparo Anello Gil. “Constituímos un novo comité local co obxectivo de reforzar o traballo levado a cabo nos últimos anos, pero tamén incorporar xente nova. É dicir, queremos darlle continuidade ao noso proxecto baseado no traballo en grupo e consolidar o Partido Popular en Mondoñedo a longo prazo”, dixo González Barreira.Así mesmo, o novo presidente do PP mindoniense manifestou que “de forma máis inmediata, centrarémonos en preparar o intenso calendario de eleccións; xa que en menos de dous anos teremos catro citas coas urnas”.
Tamén resultou elixido o actual alcalde de Mondoñedo, Manuel Otero, como cabeza de lista dos populares mindonienses de cara ás vindeiras eleccións municipais. Otero destacou “o traballo en equipo, o compañeirismo que hai entre os que conformamos o goberno local e todos os membros do PP de Mondoñedo. Pertencemos a un proxecto no que todos cooperamos e quixemos repartir as responsabilidades para ser máis efectivos. Estamos preparados para seguir na nosa liña de traballo ca cal facemos e continuaremos facendo un Mondoñedo mellor e próspero”.
González Barreira -fillo de alcalde e concelleiro no goberno popular dende o 2003 ata o 2007- estivo arroupado tamén pola presidenta do PP da provincia de Lugo e máxima responsable do partido a nivel local dende o 2007 ata o de agora, Elena Candia, que fixo balance dos últimos anos de traballo do Partido Popular de Mondoñedo que se ven reflectidos nos resultados electorais acadados facendo especial fincapé nas municipais do 2015; cando o PP recuperaba a alcaldía de Mondoñedo cun 50,65% dos votos, despois de ser tamén a forza máis votada no 2007 e no 2011. E no ano 2019, os mindonienses avalaron o proxecto que desenvolveu o PP no goberno aumentando o seu apoio nas urnas ata alcanzar o 61,73% dos votos. Nese sentido, agradeceu o apoio dos afiliados e de tódolos mindonienses que tamén confiaron de forma maioritaria no proxecto do Partido Popular nas eleccións xerais, europeas e autonómicas -de feito nas eleccións do 2020 elixiron a papeleta do PP preto dun 60% dos votantes-.
Candia sinalaba dende un comezo como obxectivos: mellorar a calidade de vida dos seus veciños e dotar de novos servizos á cidade. “Nesa liña traballamos dende o goberno os últimos oito anos dando cumprimento aos nosos programas electorais. Prestamos especial atención aos servizos sociais coa apertura do centro de día, unidade de alzhéimer, unidade de atención temperá e post-temperá; centro de atención a menores no antigo Hospital de Cabanela, podoloxía para dependentes, ampliación do SAF e asesoramento a coidadores; ademais da creación da ludoteca e ampliación da gardería”.
A creación de emprego é outra das liñas de traballo do goberno local centrado en “potenciar o polígono e favorecer o asentamento de empresas ao adherirse á iniciativa Concello Emprendedor. Tamén se creou un viveiro de empresas e a marca ‘A Horta de Mondoñedo’, entre outras iniciativas dirixidas a promover os produtos mindonienses. De feito, incrementouse a divulgación dos recursos do municipio, a promoción turística, o apoio ás feiras e festas locais que contan con gran recoñecemento e impulsouse o barrio dos Muíños”. Todas estas medidas están recollidas dentro da estratexia ‘Mondoñedo. Un municipio para investir’ co que o goberno local defende o concello como “un lugar de oportunidades”.
Igualmente, en materia urbanística citou a aprobación do PXOM, o Plan Especial de Protección e Rehabilitación do Conxunto Histórico ou oPlan de Dinamización para a área Rexurbe de cara á rehabilitación do casco histórico mindoniense ou o proxecto para a rehabilitación da praza da Catedral. Foron moitas as infraestruturas melloradas no casco urbano, pero tamén nas parroquias porque “o rural tamén é unha prioridade para o Partido Popular”. Nesa liña, Candia lembrou o plan de arranxo de camiños e mellora de firmes, o desbroce en todas as parroquias, a renovación de luminarias ou as melloras en escolas e centros sociais; ademais da recollida de plásticos agrícolas ou as actividades de dinamización social que tamén se desenvolven no casco histórico.
UN PROXECTO DE COOPERACIÓN
González Barreira recoñeceu o traballo de Candia á fronte do PP e do goberno municipal e agradeceulle o seu apoio, igual que o do alcalde, Manolo Otero: “A xestión de ambos e de todo o equipo de goberno municipal merece o noso recoñecemento por todo o que fixeron e están a facer por Mondoñedo”.
O secretario xeral do PP da provincia, Javier Vázquez Nodal, e o coordinador xeral, José Manuel Balseiro, asistiron ao congreso local, entre outros membros da dirección provincial.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
