Os populares din que “cando chega o momento de votar en asuntos relevantes, Tomé opta pola defensa dos intereses de Pedro Sánchez fronte aos intereses da provincia, como xa quedou demostrado nos casos de Alcoa e As Pontes”
Lugo, 1 de decembro de 2022. O presidente da Deputación de Lugo, José Tomé (PSOE), comprende ben ao presidente do Goberno, Pedro Sánchez, porque el, como Sánchez, ten que facer o necesario para seguir mantendo aos socios que necesita para seguir no goberno. Así se explica que os representantes socialistas na Deputación votaran no último pleno contra a moción do PP para instar ao Goberno a renunciar á eliminación do delito de sedición e a rebaixar as penas polo de malversación. Así o sinala o viceportavoz popular na Deputación Óscar Poy, que di que, “unha vez máis, Tomé optou pola defensa dos intereses do sanchismo fronte aos intereses da provincia e de España como xa fixo noutras moitas ocasións”.
Poy sinala: “O que vimos no pleno foi un exercicio de sanchismo por parte dos socialistas e sinaladamente do presidente Tomé. Vimos como está aducido polo modelo Sánchez de gobernanza, é dicir, non lle importa máis que conservar o apoio dos socios que necesita para manterse no goberno”.
O mesmo deputado popular explica: “Na Constitución Española, lei de leis, conságrase a unidade da nación e no Código Penal ata agora recóllese o delito de sedición. Como Pedro Sánchez necesita o apoio de grupos que están contra a unidade da nación, está disposto a suavizarlles o camiño eliminando o delito de sedición; non se trata de harmonizar nada con Europa, trátase única e exclusivamente da defensa dos intereses do propio Pedro Sánchez que non pode perder os apoios que lle permiten seguir gobernando”.
O presidente Tomé debería lembrar que as enquisas demostran que moitos dos socialistas españois están contra a supresión do delito de sedición, di Óscar Poy. Engade: “Cando chega o momento de votar en asuntos relevantes, Tomé opta pola defensa dos intereses de Pedro Sánchez fronte aos intereses da provincia. Xa quedou demostrado nos casos de Alcoa e As Pontes, e de novo volve facelo agora”. Tamén sinala que “é unha pena que Tomé non tome nota da posición que manteñen algúns baróns socialistas, que non dubidan en criticar abertamente algunhas decisións de Pedro Sánchez como esta da supresión do delito de sedición”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
