O Instituto de Seguridade e Saúde Laboral de Galicia (Issga) está a elaborar un estudo sobre as condicións de traballo das redeiras, no marco do que xa realizou recoñecementos médicos a estas traballadoras e visitou seus lugares de traballo
Santiago de Compostela, 25 de decembro de 2022. O Instituto de Seguridade e Saúde Laboral de Galicia (Issga), está a desenvolver un novo estudo de saúde laboral do traballo das redeiras. No que vai de ano xa completou as dúas primeiras fases consistentes en visitas aos lugares de traballo e aos recoñecementos médicos específicos que se realizaron a un cento de mulleres nos centros provinciais do Instituto na Coruña, Pontevedra e Lugo.
Acabadas estas fases de identificación de riscos e valoración do estado de saúde, durante 2023 procederase á análise dos indicadores máis relevantes para actualizar o estudo colectivo de saúde laboral e para desenvolver, tras coñecerse os seus resultados, actividades de sensibilización, información e formación a este colectivo para promover melloras a través de medidas preventivas no seu traballo cotiá.
O persoal de medicina e de enfermaría do traballo do Issga desprazouse á sede da asociación de redeiras de Malpica para testemuñar esta actividade laboral e as condicións de traballo do colectivo. O pasado novembro completáronse os recoñecementos médicos específicos en función dos riscos detectados a un total de 98 redeiras que traballan nos portos coruñeses de Cariño, Cedeira, Corme, Malpica, Porto do Son, e Portosín; nos de Cambados, Cangas e A Guardia, en Pontevedra; e no de Burela, en Lugo.
Como novidade, con respecto ao estudo realizado en anos anteriores incorporáronse ao recoñecemento médico cuestionarios con aspectos relacionados coa promoción da saúde laboral e o benestar no traballo, como a adhesión á dieta atlántica na alimentación, a actividade física segundo o criterio da OMS e un cuestionario xeral de saúde.
Tal e como especifican desde o Issga, “as doenzas que se manifestan están na súa maioría asociadas aos riscos ergonómicos: posturas forzadas, movementos repetitivos e manipulación manual de cargas”. Así as cousas, hai outras enfermidades relacionadas coas condicións de humidade do ambiente no que desenvolven o seu traballo e que poden provocar enfermidades profesionais infecciosas e parasitarias.
Con estas iniciativas preténdese visualizar as patoloxías profesionais do sector e os seus riscos laborais e propoñer, no seu caso, medidas preventivas para reducir os seus efectos sobre a saúde.
O Issga destaca a excelente acollida do colectivo que, xunto con outros da actividade de pesca e afíns, continuará sendo obxecto de actividade continua e preferente para o Instituto para tratar de reducir a sinistralidade laboral, incidir nunha mellor identificación das enfermidades profesionais e, en definitiva, mellorar a calidade de vida das traballadoras e traballadores dun sector de gran importancia en Galicia.
O estudo enmárcase no plan de actuación 2022 do Issga que ten como un dos seus colectivos prioritarios de actuación ás mulleres redeiras, na necesidade de mellorar as condicións de seguridade e saúde laboral dun colectivo integrado case na súa totalidade por mulleres traballadoras autónomas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
