O Presidente subliñou en Madrid que a provincia “sitúase entre os grandes polos do románico a nivel de toda Europa”, unha potencialidade que a institución aproveita para promover “un turismo non masificado, personalizado, no que cada visitante deseñe a súa propia experiencia”
Lugo, 19 de xaneiro de 2023. O Presidente da Deputación de Lugo, José Tomé Roca, presentou este xoves no stand de de Galicia na Feira Internacional de Turismo (Fitur) a nova campaña de promoción turística lanzada pola institución provincial, Lugo, provincia románica, coa que dá un novo paso na súa estratexia para impulsar o turismo de calidade e sostible. Así o explicou Tomé Roca na presentación deste mediodía, na que estivo acompañado polo protagonista da campaña, o actor Chechu Salgado, natural de Sober e que foi distinguido co Goya ao Mellor Actor Revelación no 2022.
“Chechu Salgado é un bo representante do gran talento emerxente que temos na provincia de Lugo, neste caso, no audiovisual. Por iso, parecíanos o mellor embaixador posible para facernos mirar cos ollos e valores de hoxe o rico patrimonio centenario da nosa provincia”, loou Tomé Roca, que destacou que a presencia da Deputación en Fitur “un ano máis, representa unha nova etapa no desenvolvemento do modelo de turismo sostible e de calidade que vimos fomentando”.
O promocional da Deputación, tal e como relatou o propio actor sobre o escenario de Fitur, amosa a viaxe sensorial de Chechu Salgado pola provincia. Un audiovisual no que a paisaxe e o rico patrimonio do territorio acompañan ao intérprete para compartir cos espectadores a experiencia única que viven os visitantes que escollen Lugo como destino turístico.
Tomé Roca defendeu que este tipo de turismo “conxuga o respecto ao medio ambiente coa posta en valor do patrimonio cultural. Un modelo que xera riqueza e emprego de calidade e que convértese nun elemento fundamental para envorcar as dinámicas demográficas do rural, ofertando á mocidade posibilidades de negocio e proxectos de futuro alí onde teñen as súas raíces”.
Sobre a iniciativa da Deputación, o Presidente explicou que “este ano optamos polo románico como fío condutor da nosa proposta”. Sinalou que “Lugo é unha das provincias españolas nas que este estilo, ligado ao Camiño de Santiago, deixou maior número de monumentos. Unha concentración que sitúa a zonas como a Ribeira Sacra entre os grandes polos do románico a nivel de toda Europa”.
“Aproveitando toda esta riqueza, apostamos por un turismo non masificado, personalizado, no que cada turista deseñe a súa propia experiencia, que elixa cales dos centos de templos e mosteiros repartidos pola nosa provincia quere visitar”, apuntou José Tomé, que sinalou que “para facilitar esta labor, desde a Deputación preparamos xa diferentes rutas do románico pola provincia e publicamos guías actualizadas sobre este patrimonio que están tendo gran acollida”.
Neste sentido, o mandatario provincial engadiu tamén que a entrada na Ruta Transrománica –recoñecida polo Consello de Europa- converteu á provincia de Lugo no primeiro territorio de Galicia e o terceiro de toda España en formar parte desta iniciativa, “que supuxo un salto cualitativo e cuantitativo moi importante na promoción do patrimonio románico da provincia como recurso turístico”.
Convidou o Presidente a “poñerse na pel do mozo curioso que interpreta Chechu Salgado no audiovisual que presentamos hoxe, e que saian a descubrir os segredos do románico da provincia de Lugo. Son tesouros á vista de todos, pero agochan marabillas que cada un descobre por primeira vez. Invítolles a que, coas igrexas e as pedras, percorran os camiños, cheguen aos pobos, falen coa xente, desfruten da comida, do viño, e que se senten un anaco a coñecer a nosa mellor historia e as nosas tradicións”.
Concluíu Tomé Roca que “falando do Lugo que fomos onte e do Lugo que fomos hoxe, seguro que atopamos as claves para seguir construíndo a provincia de Lugo de progreso que queremos seguir sendo no futuro”.
Avances no Plan de Sustentabilidade da Mariña
O mandatario provincial asistirá esta tarde á presentación da campaña Descubre A Mariña Lucense. Vive o norte de Galicia organizada pola Mancomunidade de Concellos da Mariña Lucense. Unha estratexia turística que ten por obxectivo incrementar o recoñecemento e a notoriedade do destino, reforzando o posicionamento da Mariña. A Alcaldesa de Viveiro, María Loureiro, dará conta dos avances do Plan de Sustentabilidade Turística que lle foi concedido polo Goberno de España a través do Ministerio de Industria, Comercio e Turismo para potenciar a zona norte da provincia.
O Presidente destacou neste sentido que, no marco do seu apoio constante ao turismo e aos concellos, a Deputación de Lugo aporta 81.000€ á Mancomunidade para que poida materializar precisamente ese conxunto de medidas.
Expomar 2023
Tomé Roca pechará a axenda en Madrid esta tarde coa presentación da décimo novena edición da feira náutico pesqueira na Casa de Galicia. O Alcalde de Burela, Alfredo Llano, sinalará as principais novidades deste ano que se celebrará do 10 ao 13 de maio. Destacou o Presidente a relevancia da pesca para a economía da provincia, enmarcando precisamente a achega de 12.000€ da institución provincial para a celebración desta cita na colaboración continua da Deputación ao sector.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
