Cualifica de “parche” colocar médicxs sen rematar a súa formación nos PACs e pide a Rueda que traballe en serio a favor da sanidade pública
Santiago de Compostela, 19 de xaneiro 2022. A portavoz nacional, Ana Pontón, participou na manifestación en Burela en defensa da sanidade pública, contra as cordas tras trece anos de recortes e privatizacións do PP.
“Estamos vendo as gravísimas consecuencias que tamén se deixan sentir na Mariña: faltan médicos e médicas, medran as listas de espera, deterioro de atención primaria e tamén os recortes que se deixan notar no Hospital da Costa despois de que o Goberno do PP decidira suprimir a área sanitaria da Mariña”, explicou.
Supresión que trouxo consigo menos recursos, “e iso é que está sufrindo agora a cidadanía da Mariña, cun hospital que podería estar funcionando ao 100% pero que, en moitos casos, obriga ás persoas doentes a desprazarse até a Lugo para recibir atención sanitaria, co que iso implica en termos económicos, en molestias para as persoas ás que lle afasta do seu lugar de residencia prestación dun servizo que é básico”, argumentou.
Para a líder o BNG, “é un síntoma máis de até onde nos conduce o Partido Popular, que ten un programa moi claro: desmantelar o público para beneficiar o negocio privado, e volve demostralo estes días cando, en lugar de ir ao fondo do problema, pon parches como que médicos e médicas que non remataron a súa formación atendan ás persoas nos PACs. Todo isto é unha chapuza monumental, unha enorme chapuza que, lamentablemente, está pagando a cidadanía”.
“Desde o BNG o que dicimos ao PP e o que lle está dicindo a veciñanza da Mariña é que xa está ben de recortes e que se poña a traballar para dotar a sanidade pública dos medios que precisa, porque hoxe o PP está convertido nun perigo para a saúde dos galegos e das galegas e non podemos permitir”, criticou.
Pontón insistía así na mensaxe que xa enviaba horas antes desde Muras. “Levamos trece anos de recortes, privatizacións, con precariedade no persoal médico e colocando á sanidade pública na situación límite que ten neste momento”, denunciou. A líder nacionalista pide ao Goberno do PP “que deixe de lado as ocorrencias e poña solucións á gravísima situación da sanidade pública”, reiterou, ao tempo que recalcaba o compromiso do BNG na defensa do dereito a saúde dos e das galegas.
“Quero enviar unha mensaxe clara a cidadanía: no BNG imos seguir defendendo a sanidade pública porque é unha das grandes conquistas sociais e non imos permitir que haxa nin un só paso atrás”, proclamou. “Fronte a un Partido Popular empeñado no deterioro da sanidade e convertido nun perigo para a saúde dos e das galegas, o BNG ten como prioridade defender uns servizos públicos de calidade para mellorar a vida das persoas”, recalcou.
A líder do Bloque insistiu en que si hai alternativa para darlle a volta a situación de colapso de atención primaria, empezando por un plan de choque de 200 millóns de euros, dotar os centros de saúde de novas especialidades, como psicoloxía clínica, e un plan ambicioso e con investimentos para reducir as listas de espera.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.