Isabel Rodríguez felicitou ao Concello de Burela por acoller este evento, que reunirá a afeccionados de fútbol sala de Murcia, Madrid e Melilla, e desexoulle moita sorte ao Pescados Rubén Burela F.S. “para conseguir o quinto título da Supercopa de España”
Burela, 23 de xaneiro de 2023. A subdelegada do Goberno en Lugo, Isabel Rodríguez, mantivo este luns no Concello de Burela unha reunión co alcalde, Alfredo Llano, e co representante da Federación Española de Fútbol, Pablo Martín, na que se ultimou o dispositivo de seguridade para a Supercopa de España de Fútbol Sala feminino que se celebrará esta fin de semana no pavillón Vista Alegre do municipio burelés.
Isabel Rodríguez informou que as Forzas e Corpos de seguridade do Estado colaborarán coa Federación Española de Fútbol para que a competición se desenvolva coas máximas garantías de seguridade os días 28 e 29 de xaneiro. Na reunión, ademais de representantes da Federación, organizadora do torneo, tamén participaron a Garda Civil, Subsector de Tráfico, Policía Nacional, Autonómica e Local.
Para o evento previuse un reforzo de efectivos policiais para velar pola seguridade das persoas que se congregarán no pavillón e a ao redor del. Tras a xuntanza, a subdelegada do Goberno fixo un chamamento a todo o público que se congregará no pavillón de Burela para presenciar a competición que animen aos seus equipos cumprindo coas normas de seguridade establecidas.
Isabel Rodríguez aproveitou para felicitar ao Concello de Burela por acoller este evento, que reunirá a afeccionados de fútbol sala de Murcia, Madrid e Melilla, e desexoulle moita sorte ao Pescados Rubén Burela F.S. durante a competición “para conseguir o quinto título da Supercopa de España”.
Nesta edición participan, ademais do Pescados Rubén Burela F.S., Futsi Atco. Navalcarnero, o STV Roldán e MSC Torreblanca. A competición disputarase mediante o formato de “Final a Catro”, con semifinais e final.
Repaso da seguridade no municipio
Na reunión, a subdelegada aproveitou para repasar os datos relacionados coa seguridade no Concello de Burela. Así, mostrouse satisfeita por que os datos amosan unha tendencia positiva ao reducirse un 29,6% o número de delitos que se produciron no municipio con respecto ao ano 2019. Actualmente, a taxa de criminalidade do municipio é dun 17,92% por mil habitantes, sendo moi inferior á media da provincia e de Galicia.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
