Ribadeo, 27 de febreiro de 2023. O Concello sacou a licitación a xestión do ciclo integral da auga en Ribadeo, despois da aprobación dos pregos no pleno celebrado o pasado 16 de febreiro.
A xestión do ciclo integral da auga mellorará a calidade da auga de consumo, con dous novos e modernos sistemas de ozonización, que virán substituír os actuais de cloro, mellorando o sabor e o posible olor da auga, ademais da eliminación de subprodutos de desinfección. Contempla a ampliación da capacidade de auga almacenada en mais do dobre cun novo depósito de 4.660 metros cúbicos en San Xoán de Ove. E tamén prevé a ampliación da capacidade hidráulica da ETAP de Vilarbetote e diversas melloras en control e sensorización da auga de consumo.
O novo contrato prevé o cambio de aproximadamente 4.000 contadores nos dous primeiros anos da concesión, xa que a idade media deles é de máis de 20 anos. Deste xeito darase cumprimento á normativa que esixe que todos os contadores de máis 12 anos sexan substituídos por outros novos.
Para solucionar as incidencias que se producen ás veces no peirao de Ribadeo contémplase a instalación dun sistema de retención de flotantes e sólidos en suspensión que reteña estes elementos antes de que se produza a súa vertedura ao mar e os separe axeitadamente para o seu posterior transporte a un xestor autorizado de residuos. Será obriga do novo concesionario a instalación desta criba.
O futuro contrato do ciclo integral da auga de Ribadeo leva implícito un maior control das redes de auga e saneamento. O importe mínimo de todas as actuacións será de 3.200.000 euros.
A licitación do Concello de Ribadeo foi publicada na Plataforma de Contratos do Sector Público.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
