Burela, 5 de febreiro, 2023. Unhas Guerreiras Laranxas con baixa intensidade conseguen un punto ante o Sala Zaragoza esta mañá ás 12.00 horas no Pavillón Século XXI en Zaragoza, empatando 1-1 o encontro nos últimos minutos.
Comeza o partido, con algunha oportunidade, por exemplo de Patricia no minuto 2, un balón que salva a porteira Ana Eliza que fixo un moi bo papel durante todo o partido. Ao Burela parece facérselle costa arriba o encontro, aínda que ningún dos dous equipos xeran moitas oportunidades e cústalles chegar á portería contraria. A partir do minuto 15 Dany dá un pouco de vida ao xogo, cunha boa oportunidade que salva a porteira desviándoa ao pau, un minuto despois outra que acaba en corner e no 17 outro disparo á escuadra que volve salvar Ana Eliza. Comeza a presionar máis o Burela pero sen conseguir o gol. No minuto 18 Antía lanza o balón por riba do traveseiro, despois dunha boa diagonal de Cilene e pouco depois outra boa oportunidade, que vai fóra, tras un corner. Remata o primeiro tempo sen goles.
Durante a segunda parte, do mesmo xeito que na primeira, o Burela continúa buscando o gol, presionando, sen conseguir acertar, aínda que saen á pista sen a chipa á que nos teñen acostumadxs e cunha actitude similar á da primeira metade. No mintuo 6 da segunda parte Giba aproveita un pase erróneo de Peque e véndose soa ante Jozi, anota o 1-0 que sorprende tanto ao Burela como á súa afección que se mostra eufórica ante a situación. O encontro continúa mostrándose algo errático e pouco afortunado para o Pescados Rubén, ata o minuto 29 no que Emilly ten unha boa oportunidade tras un pase de Irene Samper e pouco despois outra que de novo volve atoparse coa porteira brasileira. Tras unha falta que de non existir sería o 2-0 para o equipo zaragozano, Julio Delgado decide sacar a Patri de porteira-xogadora vendo que o seu equipo non consegue levantar o marcador da forma habitual, xa que poucas veces recorren ao xogo de 5. Presiona o Burela con varias oportunidades erradas e, tras un punto morto, o adestrador pon a Peque de porteira-xogadora, conseguindo nos últimos minutos, o 38, o gol do empate tras unha boa xogada en situación de superioridade entre Cilene, Emilly e o remate de Patricia. Continúan presionando ata o último segundo, chegando a ter dúas boas oportunidades o Zaragoza e outra moi boa de Emilly nas últimas décimas de segundo do encontro.
Axítanse os primeiros postos da clasificación na Primeira Federación de Futsal Feminina con esta repartición de puntos para ambos equipos, que fan perder ao equipo laranxa unha moi boa oportunidade para achegarse ao Futsi Atlético Navalcarnero, que perdeu contra o Poio Pescamar esta fin de semana, provocando que o equipo pontevedrés afiance o seu segundo posto, baixando o Burela ao terceiro e achegándose ambos ao Futsi que queda con 48 puntos, a 2 do Poio e a 4 do Pescados Rubén.
Nun partido con moitas oportunidades que non entraban para o equipo de Julio Delgado, o adestrador non se mostra contento co resultado, recoñécese sorprendido polo ocorrido pero mantén que “É un equipo o suficientemente maduro como para que nos deamos conta de que hai que encarar cada partido coma se fose o último que puidésemos xogar para conseguir os obxectivos que queremos. Demostrárono o sábado e o domingo, e que non estamos tan lonxe de dar unha lección de fútbol sala que puido ver todo España e non podemos cambiar a cara así en cousa de 4 días. Teñen que ser conscientes do que son, do que están facendo, do que representan. Pódense perder e empatar o partido, non che digo que non, pero ten que ser a primeira e a última vez desta tempada que se repita”.
Ficha Técnica Sala Zaragoza – Pescados Rubén Burela FS
Sala Zaragoza: Ana Eliza (P), Bravo, Giba, Mirian, Boix – cinco inicial – Illescas, Moreno, Jaimes, Nicol, Reynal, Zahra, Vero (P)
Pescados Rubén Burela FS: Jozi (P), Peque, Jenny, Patricia, Emilly – cinco inicial- Dany, Cilene, Antía, Irene Samper e Caridad (P).
Goles: Min.25 Giba 1-0; min.38 Patricia 1-1.
Equipo Arbitral: Judith Fraiz Catalán, Tomás Santander Famarique, Izan Torner Conejos, María Cinta Marín Pastor.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
