Nas sesións programadas nos Concellos o persoal da Subdelegación tramitou máis de 500 certificados dixitais de distinto tipo, entre os que destacan o certificado electrónico e a Cl@ve permanente
Ourol, 14 de febreiro de 2023. A subdelegada do Goberno en Lugo, Isabel Rodríguez, confirmou hoxe en Ourol o éxito do plan “A Administración cerca de ti”, co que o Goberno achegou os trámites administrativos ao 88% dos Concellos lucenses. A subdelegada trasladouse esta maña á localidade mariñá onde concluíu na provincia este programa impulsado polo Ministerio de Política Territorial, coa colaboración da FEMP, “co que avanzamos na cohesión territorial dos municipios do rural, ampliando dereitos e ensinando aos veciños e veciñas a manexarse coas ferramentas dixitais que ofrece o Estado, facendo unha Administración aberta e accesible a toda a cidadanía”, destacou Isabel Rodríguez.
A subdelegada avanzou que tras dous meses de programa a Subdelegación de Lugo chegou aos 59 municipios, con menos de 8.0000 habitantes, que estaban previstos visitar na provincia con este plan estatal, “aqueles con maiores dificultades de acceso á Administración, para así poder atender as súas necesidades de forma efectiva”. Neste senso, acompañada do alcalde de Ourol, José Luis Pajón, a subdelegada agradeceu aos Concellos a súa colaboración no desenvolvemento da “Administración cerca de ti” que beneficiou a máis de 137.000 veciños e veciñas que viven nestas vilas.
Durante o encontro, Isabel Rodríguez incidiu no compromiso do Goberno de España por atender aos concellos do rural, resaltando que o reto demográfico é un dos seus principais eixos de actuación. “Traballamos co obxectivo de proporcionar ás persoas que residen fóra das cidades e en pequenos concellos, o acceso aos servizos públicos esenciais, entre os que se atopan os trámites administrativos máis habituais. Son iniciativas que se sitúan en liña coas políticas de reto demográfico, entre as que se atopan o programa de carteiros rurais, que xa permiten realizar xestións, envíos e pagos desde o domicilio, ou a instalación de caixeiros automáticos en pequenas localidades” finalizou.
Nas sesións programadas nos municipios o persoal da Subdelegación tramitou máis de 500 certificados dixitais de distinto tipo, entre os que destacan o certificado electrónico e a Cl@ve permanente. Na maioría dos casos, as persoas que asistiron demandaron tamén información sobre os trámites máis frecuentes dentro do perfil de cada colectivo: pensións, prestacións de Seguridade Social, xestións coa Dirección Xeral de Tráfico, IMSERSO ou Catastro, servizos dispoñibles nas sedes electrónicas dos organismos e departamentos ministeriais en materia de estranxeiría, xustiza, homologación e convalidación de estudos, entre outros.
Isabel Rodríguez aproveitou a presentación do plan en Ourol para recoñecer o traballo dos funcionarios e funcionarias públicas da Subdelegación que estiveron desde novembro percorrendo os pobos de xeito voluntario e resolvendo dúbidas á veciñanza “para que os servizos públicos estean dispoñibles en todos os puntos do territorio”.
O catálogo de servizos electrónicos da Delegación do Goberno en Galicia ofrece 125 trámites de xeito telemático, entre os que se atopan xestións relacionadas cos servizos de Estranxeiría; pago de taxas; comunicación de mobilizacións; validación de títulos universitarios estranxeiros ou a presentación de queixas ou suxestións ante a Administración.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
