A esta cantidade hai que sumar outros 12,3M€ da segunda liña do programa coa que se desenvolverán actuacións que beneficiarán ás 67 localidades
Lugo, 22 de febreiro de 2023. A subdelegada do Goberno en Lugo, Isabel Rodríguez, destacou hoxe o impacto do Plan de Recuperación, Transformación e Resiliencia do Goberno na provincia cun investimento de 22,5 millóns de euros, a través do Programa de Universalización de Infraestruturas Dixitais para a Cohesión (UNICO), para dotar de extensión de banda ancha ultrarrápida a 84.500 vivendas e empresas dos 67 concellos da provincia, “co obxectivo de conectar a Lugo co mundo como medio para fixar poboación, a creación e mantemento do postos de traballo e o avance fronte ao reto demográfico”.
Isabel Rodríguez reuniuse esta mañá na Subdelegación coas responsables de Telefónica en Galicia, Paula Rodríguez e Patricia Rodiño, para coñecer a marcha dos traballos que desenvolve esta empresa para o despregamento da fibra óptica na provincia de Lugo con cargo a este plan estatal.
A subdelegada informou de que o Ministerio de Asuntos Económicos e Transformación Dixital avanza no obxectivo de proporcionar conectividade ao rural da provincia coa primeira convocatoria de axudas do Programa UNICO-Banda Ancha, adxudicada a Telefónica, que dedica 10,2 millóns de euros para financiar proxectos en 64 concellos da provincia de Lugo. A esta cantidade hai que sumar outros 12,3 millóns da segunda liña do programa UNICO-Banda Ancha, adxudicada na provincia de Lugo á empresa Adamo Telecom, coa que desenvolverá actuacións que beneficiarán aos 67 municipios lucenses.
Coa primeira convocatoria deste programa, a empresa Telefónica xa fixo todos os traballos de enxeñaría e deseño, e agora mesmo está a executar a fibra óptica nos concellos da provincia para chegar a máis de 10.300 zonas, onde se localizan 45.500 vivendas e empresas. “Con estas novas implantacións na provincia, vaise completando a universalización do acceso ás telecomunicacións de nova xeración en todo o territorio”, remarcou Isabel Rodríguez quen engadiu que este Plan “é tamén un exemplo de colaboración entre o sector público e o privado, xa que a execución dos proxectos realízana empresas do sector das telecomunicacións”.
A subdelegada lembrou que este programa de axudas parte da aposta do Goberno de Pedro Sánchez por levar a banda ancha a toda a provincia. “Imos chegar a máis de 25.000 zonas sen cobertura dos 67 concellos da provincia para que os veciños e veciñas conten cun servizo fundamental”, subliñou Isabel Rodríguez. Ademais, puxo en valor esta iniciativa estatal “que responde a unha demanda da cidadanía, sobre todo da xente que vive no rural, á que garantimos conexión a Internet de alta velocidade, dentro da liña de traballo do Goberno de loitar contra o despoboamento”.
Deste xeito, as dúas convocatorias do Programa UNICO permitirá, con fondos do Plan de Recuperación, a dotación de banda ancha de polo menos 100 megas a practicamente todo o territorio. O obxectivo é que en 2025, ano en que finaliza o Plan, o 100% dos municipios, non só da provincia, senón de toda Galicia, dispoñan de conexión de banda ancha.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
