A Mariña, 16 de febreiro, 2023. Mulleres do Observatoiro da Mariña pola Igualdade [OMI] e dos colectivos Comisión de igualdade do CIFP Porta da Auga, Comisión de igualdade do IES Dionisio Gamallo, Confederación Interesindical Galega [CIG], Meigas Bravason, Movemento Galego pola Defensa das Pensións e os Servizos Públicos [MODEPEN], Programa de Lecer e Revitalización no Rural do Concello de Ribadeo, Sindicato Labrego Galego [SLG] e Vacas Fracas, reivindicarán o 8M cunha manifestación feminista en Ribadeo.
A mobilización terá lugar o mércores 8 de marzo ás 20:00h. Con saída desde o aparcadoiro público situado ao carón do IES Dionisio Gamallo, a manifestación percorrerá a Avda. de Galicia, a Rúa Reinante, a Rúa Villafranca del Bierzo e a Rúa San Francisco ata chegar á Praza de España para concentrarse, finalmente, diante do Concello de Ribadeo.
Como vén sendo habitual nos últimos anos, feministas da comarca levan semanas organizando a campaña para o 8M cuxo lema principal será “Feminismo día a día. Polos nosos dereitos, polas nosas vidas”.
As organizadoras queren poñer o foco en que o feminismo é máis necesario que nunca xa que están en constante vulneración e cuestionamento dereitos das mulleres que deberían estar consolidados fai décadas na axenda. Do mesmo xeito, afirman, é imprescindible visibilizar que as fendas de xénero lonxe de reducirse van en aumento, nun contexto de crise permanente que intensifica a vulnerabilidade, a discriminación e a revitimización das mulleres en todos os ámbitos (laboral, sanitario, coidados, xustiza…).
Desde a organización inciden en que a formación con perspectiva de xénero e o desenvolvemento de políticas públicas feministas son piares básicos para promover un modelo económico, social, político e cultural baseado na
equidade de xénero.
Con anterioridade á manifestación feminista do 8 de marzo colocaranse varias faixas en puntos de moito tránsito da comarca que conterán unha frase de Begoña Caamaño que irá acompañada por unha ilustración de Abi Castillo. Do mesmo xeito, na fin de semana previa ao 8M realizaranse obradoiros de creación de materiais para a manifestación, como lemas e cartaces, así como talleres de batuke, xa que a idea é que un grupo de batukeiras acompañe o bloque non mixto da cabeceira da manifestación, onde irán colectivas feministas e mulleres, e ao que seguirá o bloque mixto. Tamén está prevista a venda de chapas para recadar fondos.
Todas aquelas mulleres que desexen sumarse para construir xuntas este 8M e para participar nos diferentes grupos de traballo de coordinación da mobilización podes escribir a observatorioigualdade@gmail.com.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
