Esixen á Xunta medidas para a recuperación da Atención Pediátrica e a redución das listas de espera, así como o compromiso de convocar cada ano o 100% das prazas MIR autorizadas polo Goberno do Estado
Lugo, 25 de febreiro de 2023. Os socialistas emprazan ao Goberno de Alfonso Rueda a escoitar á sociedade galega e atender as reclamacións de mellora na sanidade pública, tralo éxito da multitudinaria manifestación do pasado 12 de febreiro en Santiago de Compostela.
O Grupo Socialista da Deputación de Lugo “ten un compromiso firme e inalterable en defensa dos servizos públicos, nomeadamente da Sanidade, polo que demandará ao Goberno galego no vindeiro Pleno ordinario, que se celebrará este martes, “un plan urxente de melloras na Atención Primaria que inclúa o compromiso de dedicar a este eido o 25% do orzamento sanitario, como recomenda a OMS”.
Os socialistas esixen á Xunta medidas para a recuperación da Atención Pediátrica e a redución das listas de espera, así como o compromiso de convocar cada ano o 100% das prazas MIR autorizadas polo Goberno do Estado.
Dende o PSdeG solicitan “a recuperación dos cadros de persoal dos PAC e centros hospitalarios afectados polos recortes, unha política de persoal que cubra as baixas por vacacións, enfermidade e xubilacións, e a fin da temporalidade, que leva ós profesionais a firmar contratos por horas, días ou semanas”.
Ante o clamor da xente, a resposta da Xunta foi “decepcionante”
A multitudinaria manifestación do día 12 foi a expresión das queixas que se veñen rexistrando nos últimos anos, en Lugo e no resto das provincias galegas, por mor das políticas de recortes e a mala xestión do PP.
Ante o clamor da xente, a resposta do Goberno da Xunta foi de novo “decepcionante”, co seu Presidente “anunciando xa antes da manifestación que el ese día tiña previsto desfrutar dun cocido”. “Parece que os problemas dos galegos e galegas son tan nimios que o seu máximo responsable ben pode marchar de festa”, lamentan os socialistas.
O PSdeG incide en que ao longo deste mandato presentou no Pleno da Deputación de Lugo de xeito reiterado iniciativas que recollían as necesidades dos cidadáns da provincia. “Mocións que falaban de falta de pediatras, de déficits na Atención Primaria, de centros sanitarios con consultas pechadas, de persoal sobrecargado de traballo ou de veciños do rural que non teñen acceso á atención sanitaria na súa vila, e sempre atopamos a negación da realidade e o desdén cara a poboación como resposta dos populares lucenses”, asegura.
Reclamar políticas sanitarias que garantan a atención de calidade
A sociedade galega saíu á rúa o día 12 de febreiro, recalcan os socialistas, “para manifestar o seu desacougo coa situación da sanidade pública na nosa comunidade. En contra do que se dixo dende a Xunta e dende o Partido Popular, a manifestación que xuntou a decenas de milleiros de persoas en Santiago foi unha expresión de cansazo social ó marxe de intereses partidistas ou sesgos ideolóxicos. Xuntáronse para reclamarlle á Xunta políticas sanitarias que garantan a atención de calidade para os e as pacientes e unha carreira profesional digna para o persoal sanitario”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
