Ribadeo, 24 de febreiro de 2024. O alcalde, Fernando Suárez, aproveitou a visita cursada polo conselleiro de Educación, Román Rodríguez, ao Ceip Gregorio Sanz para pedirlle á Xunta un peche perimetral novo e melloras na pista e no patio do centro.
O rexedor declarou: “valoramos moi positivamente a visita do conselleiro de Educación hoxe aquí ao Gregorio Sanz, entre outras cousas para supervisar estas obras importantes que se foron facendo nestes meses, a falta de corrixir algunhas deficiencias que quedan á vista. Pero o máis importante é toda a volta que se lle deu, o que se fixo con fondos europeos, do Pirep, practicamente na súa totalidade agás o IVE”.
Suárez Barcia dixo: “polo tanto, como nosoutros estamos para indicar as incidencias que se deben mellorar, gustaríanos tamén que, xa que os fondos da Xunta de Galicia non viñeron para a reformulación deste centro, que se utilicen parte deles para facer un peche perimetral novo, dado que o que hai ten moitísimos anos e está escachando por todos os sitios, tal e como llo recordamos documentalmente hai uns meses. E tamén que se proceda a mellorar a pista e o patio, que están nun proceso de deterioro continuo por levan moitísimos anos, todos eses adoquíns están repisados e non hai maneira de mantelo”.
O alcalde sinalou que “os Concellos, como o noso, temos o deber de mantemento do que son os centros educativos de ensino primario, pero para nada temos a competencia estrutural.
Iso correspóndelle á Consellería e precisamente aproveitando este aforro que lle supuxo á Consellería de Educación por esta achega de fondos europeos á rehabilitación deste centro, confiamos que en breve poidan dar cabida a estas melloras que tanto se necesitan”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
