Os populares consideran “unha absoluta vergoña os efectos da lei” (607 rebaixas de condenas e 58 excarcelacións a día de hoxe) e inciden en que “son casos reais e concretos (coma o das vítimas do violador do portal en Lugo) e non simplemente efectos non desexados”
Lugo, 28 de febreiro de 2023. O portavoz do Grupo Provincial Popular na Deputación de Lugo, Javier Castiñeira, dirixiuse durante a súa intervención no pleno deste martes aos representantes do PSOE e do BNG na Deputación para preguntarlles se están de acordo con que se rebaixen as penas aos violadores e agresores sexuais por efecto da aplicación da coñecida como Lei do solo si es si; pero “lamentablemente non obtivemos resposta”. En cambio, a resposta do PP é clara: “esta bancada di non”.
É por iso polo que os populares levaban a pleno unha moción pedindo ao Goberno a revisión da lei pola vía de urxencia para que quen cometa delitos sexuais poida ter, canto antes, as mesmas penas que estaban en vigor ata o 22 de setembro; que se viron rebaixadas pola actual regulación. Igualmente, pedían instar ao presidente do Goberno a destituír á Ministra e á Secretaria de Estado de Igualdade. Finalmente, a moción resultou rexeitada cos votos en contra dos grupos do PSOE e do BNG.
Castiñeira explicou que “o PP leva anos dicindo non á violencia de xénero e agora tamén dicimos non, por suposto, á rebaixa de condenas pola lei do solo si es si”. Nese sentido, lembrou que “cando o PSOE e o BNG votaron a favor de aprobar esta lei; os deputados e senadores populares, entre eles os da provincia de Lugo, xa apercibiron o que iba suceder e por iso votamos en contra. Non nos fixeron caso. E o que é máis grave, o propio Poder Xudicial alertara e tampouco quixeron escoitalos abrindo incluso un enfrontamento de poderes sen parangón na democracia. Agora, ata a Comisión Europea pide unha reforma inmediata e fala de retroceso no que era un camiño firme na loita pola igualdade entre homes e mulleres”.
“A día de hoxe son xa 607 rebaixas de condenas e 58 excarcelacións”, sinalou Castiñeira que considera, polo tanto, “os resultados da aplicación da lei unha absoluta vergoña”. O popular incidiu en que “non son simplemente efectos non desexados”; senón que “as vítimas son casos reais e concretos coma o do violador do portal de Lugo que saíu libre o 14 de febreiro tras ver rebaixada a súa condena en 2 anos”.
“Vistos os resultados desta lei, o Partido Popular ofrecemos colaboración para cambiar a lei, á que aínda non recibimos contestación. Mentres o goteo de rebaixas de condenas segue minando o ánimo da sociedade civil”, sinalou. Nese sentido, en nome do Grupo Provincial Popular explicou que “existen 4000 violadores e agresores sexuais que son susceptibles de poder beneficiarse da aplicación da lei do “solo si es si” e, polo tanto, “isto hai que paralo. Non pode prorrogarse máis tempo”.
Así, o popular convidou ao PSOE lucense e o BNG a votar en Madrid “a favor de cambiar a lei, se verdadeiramente queren loitar pola igualdade; e a pedir, se teñen algo de influencia no Goberno de España, o cese da ministra e da secretaria de Estado de Igualdade”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
